Por orde desta consellería, do 12 de novembro de 1996, foron nomeados polo conselleiro de Agricultura, Gandería e Montes, os cinco vocais do Consello de Dirección do Instituto Lácteo e Gandeiro de Galicia (ILGG), conforme o disposto nos artigos 4.4º da Lei 7/1994, do 29 de decembro e 9.3º do Decreto 128/1996, do 14 de marzo.
Entre os vocais representantes da Consellería de Agricultura, Gandería e Montes designados en función do seu cargo, nomeouse a José María Salgado López, ó ser por entón subdirector xeral de Sanidade Animal e Vexetal, posto que deixou de desempeñar por xubilación.
Por isto, ó varia-lo titular da citada subdirección xeral, resulta preciso nomear, no seu lugar, á persoa que hoxe en día desempeña o dito posto de traballo e, en consecuencia,
ORDENO:
Artigo único.
Noméase como vocal do Consello de Dirección do Instituto Lácteo e Gandeiro de Galicia, a Manuel Díaz Cano, subdirector xeral de Sanidade Animal e Vexetal, en substitución de José Mª Salgado López.
Santiago de Compostela, 31 de marzo de 1997.
Tomás Pérez Vidal
Conselleiro de Agricultura, Gandería e Montes
2634