Visto o expediente para outorgamento de autorización administrativa e aprobación do proxecto de execución da instalación eléctrica que a continuación se detalla:

Solicitante: Unión Eléctrica-Fenosa, S.A.

Enderezo social: Severo Ochoa, 2, 15000 A Coruña.

Denominación: L.M.T. subterránea e C.T. interior en Urb. Arrigada.

Situación: Cambre.

Descricións técnicas: liña eléctrica subterránea de media tensión a 20 kV, baixo tubo e con conductor R.H.V. 12/20 kV de 3(1x150) mm Al, de 200 m de lonxitude con orixe na lina denominada Sigrás-Cambre (Expte. 26.622) e remate no C.T. que se vai instalar denominado Urbanización Arrigada. Centro de transformación, tipo interior, en caseta prefabricada de formigón de 250 kVA e tensións de 20/0,380-0,220 kV en Urbanización Arrigada, con celas de protección de liña e de trafo en SF6. Concello de Cambre.

Cumpridos os trámites ordenados nos capítulos III e IV do Decreto 2617/1966, do 20 de outubro, sobre autorización de instalacións eléctricas, esta delegación provincial resolveu,

Autorizar e aproba-lo proxecto de execución das devanditas instalacións, nas que as características se axustarán en tódalas súas partes ás que figuran nel e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan nos expedientes.

A Coruña, 6 de marzo de 1997.

Juan Ignacio Lizaur Otero

Delegado provincial da Coruña

2478