Convocada a provisión, polo sistema de libre designación, dun posto de traballo vacante na Consellería de Economía e Facenda, por Orde do 4 de febreiro de 1997 (DOG nº 31, do 14 de febreiro de 1997), en uso das facultades e atribucións conferidas pola Lei 4/1988, do 26 de maio, da función pública de Galicia, no seu artigo 15.4 e de conformidade co disposto no artigo 27 da referida lei, modificado polo artigo 6º da Lei 3/1995, do 10 de abril; visto o Decreto 93/1991, do 20 de marzo e demais normativa vixente, esta consellería
DISPÓN:
Primeiro.-Designa-lo funcionario que se cita no anexo desta orde para ocupa-lo posto que así mesmo se sinala.
Segundo.-O cesamento no actual destino efectuarase no prazo de tres días a partir do seguinte ó da publicación da presente orde no DOG.
A toma de posesión deberá facerse no prazo de tres días a partir do día seguinte ó do cesamento ou dun mes, segundo se trate de postos radicados na mesma ou en distinta localidade, conforme o establecido no artigo 14 do D. 93/1991, do 20 de marzo.
Terceiro.-A xefatura de persoal do centro onde cause alta o funcionario efectuará, dentro dos prazos sinalados anteriormente, a dilixencia de toma de posesión e, seguidamente, serán realizados os trámites para a súa alta en nómina.
Das dilixencias efectuadas, serán remitidas copias á Dirección Xeral da Función Pública e á Inspección Xeral de Servicios.
Cuarto.-Contra esta orde, que esgota a vía administrativa, os interesados poderán interpoñer recurso contencioso-administrativo perante o Tribunal Superior de Xustiza de Galicia no prazo de dous meses contados a partir do día seguinte ó da súa publicación no Diario Oficial de Galicia, logo de comunicación a esta consellería da vontade de interpoñelo.
Santiago de Compostela, 1 de abril de 1997.
P.D. (O. 13-12-1993)
Emilio Alvarez Rey
Secretario xeral e do Patrimonio da Consellería de Economía e Facenda
ANEXO
Apelidos e nome: Vázquez González, Manuel Mª.
NRP: 3382278646 A205F
Grupo: B
Denominación: xefe Servicio Inspección Tributaria.
Código do posto: EFC991000027001044
Nivel: 28
Complemento E.: 1.376.844
Centro directivo ou dependencia: Delegación Territorial da Consellería de Economía e Facenda.
Localidade: Lugo.
2602