De acordo coas funcións asignadas ó Centro de Transfusión de Galicia polo Decreto 462/1990, do 20 de setembro, polo que se regula a hemodoazón-hemoterapia e os bancos de sangue en Galicia, os estatutos da fundación Centro de Transfusión de Galicia conteñen no seu artigo 7 as finalidades desta. Entre estas pódense cita-las seguintes:
«d) Abastecemento de sangue e derivados a tódolos hospitais e centros sanitarios públicos e privados da Comunidade Autónoma de Galicia consonte as súas necesidades.
r) Calquera outra actividade tendente á planificación, coordinación e mellora da actividade relacionada coa captación de doadores, extracción, tratamento e distribución de sangue e os seus derivados no ámbito da Comunidade Autónoma de Galicia».
s) A realización das determinacións analíticas que estean dentro das competencias do centro e que sexan solicitadas polos hospitais da área de actuación (probas de compatibilidade pretransfusional, VIH, marcadores de hepatite, anemias hemolíticas...)."
Conforme ó anterior, e logo de estudio pormenorizado dos custos do servicio, o padroado da fundación aprobou, na súa reunión do 8 de marzo de 1995, a tarifa por irradiación de compoñentes sanguíneos, que se aplicará como un suplemento á de cada hemoderivado irradiado.
Así mesmo, na reunión do padroado da fundación, celebrada o 23 de decembro de 1996, acordouse o establecemento de prezos por realización de probas analíticas e a modificación dalgún dos xa existentes e solicitar que lle sexa concedida autorización á fundación para a aplicación destes, segundo o anexo que se xunta. Os prezos xa existentes publicáronse no Diario Oficial de Galicia do 17 de abril de 1995, concretamente na Orde do 16 de marzo de 1995, pola que se autoriza o carácter retribuído da realización de probas analíticas polo Centro de Transfusión de Galicia (DOG nº 73, do 17 de abril de 1995).
Con data do 6 de novembro de 1996 e 27 de febreiro de 1997, a Fundación Centro de Transfusión de Galicia solicitou a este protectorado as autorizacións para a aplicación das tarifas por irradiación de compoñentes sanguíneos e para a aplicación dos prezos por realización de probas analíticas, respectivamente.
Dentro das funcións de tutela e garantía, de acordo co artigo 21.2º do Decreto 248/1992, do 18 de xuño, polo que se aproba o Regulamento de organización e funcionamento do protectorado das fundacións de interese galego, correspóndelle ó protectorado conceder autorización ás fundacións para a realización de actividades ou prestación de servicios retribuídos ós seus beneficiarios, sempre que tales actividades ou servicios sexan de interese xeral para a Comunidade Autónoma e as cantidades que a fundación perciba por elas non excedan do custo real do servicio ou actividade prestados.
Por todo o anterior, a Consellería de Sanidade e Servicios Sociais, vistas as memorias xustificativas presentadas pola fundación Centro de Transfusión de Galicia, en exercicio das atribucións previstas no artigo 21 do Decreto 248/1992, do 18 de xuño,
ACORDA:
Primeiro.-Autorizarlle á Fundación Centro de Transfusión de Galicia o carácter retribuído da irradiación de compoñentes sanguíneos e da realización de probas analíticas, segundo o anexo desta orde.
Segundo.-Deixar sen efecto a Orde do 16 de marzo de 1995, pola que se autoriza o carácter retribuído da realización de probas analíticas polo Centro de Transfusión de Galicia.
Terceiro.-Dispoñe-la publicación desta orde no Diario Oficial de Galicia.
Santiago de Compostela, 11 de marzo de 1997.
José Mª Hernández Cochón
Conselleiro de Sanidade e Servicios Sociais
ANEXO
Tarifas do Centro de Transfusión de Galicia
A) Irradiación de compoñentes sanguíneosTarifa
Por cada compoñente 4.000
B) Probas analíticasTarifa
Antíxeno de superficie de hepatite B (HBsAx) 800
Anti-HBc Total (IgG + IgM) Core 1.600
Anti HBc (IgM) 1.700
Confirmatorio VHB (ELISA) 3.000
Anticorpos hepatite C (Anti-VHC) 1.600
Confirmatorio VHC (Western Blot) 6.000
Confirmatorio VHC (Riba 3) 9.000
Anticorpos anti VIH 1+2 1.000
Antíxeno VIH (p24 ELISA) 4.000
Confirmatorio VIH (Western Blot) 7.000
Anticorpos HTLV I e II 1.400
Anticorpos VHA (IgM) 2.750
Anticorpos CMV (IgG + IgM) 1.500
Marcadores hepatite B (HbsAx, HbcAx, Anti Hbc,
Anti HBs) 5.000
Seroloxía doadores (HbsAx, AntiVIH, Anti VHC,
lues) 3.200
PCR VHC 12.000
PCR VIH 12.000
PCR HTLV I 16.000
PCR HTLV II 16.000
Estudio de anemias hemolíticas 10.000
Tipaxe ABO e Rh 750
Escrutinio de anticorpos irregulares 1.100
Tipaxe a outros antíxenos eritrocitarios 1.900
Linfoproliferativos 12.000
Mieloproliferativos 9.539
Pob. celulares: linfocitos B 1.700
Pob. celulares: linfocitos T 1.700
Pob. celulares: linfocitos T4 2.000
Pob. celulares: linfocitos T8 2.000
Pob. celulares: monocitos 2.000
Sindr. Mielo-linfoproliferativos
(por marcador) 2.000
Ciclo ADN Tipaxe HLA clase I (A e B) 7.875
LCT 25.000
Tipaxe HLA DR baixa resolución PCR-SSP 17.000
Tipaxe HLA LOCUS PCR (DQ e DR) 30.000
Cultivo mixto de linfocitos 51.000
Tipaxe HLA-A baixa resolución PCR-SSP 16.000
Tipaxe HLA-B baixa resolución PCR-SSP 33.000
Tipaxe HLA-C baixa resolución PCR-SSP 13.000
Tipaxe HLA DRB1 alta resolución PCR-SSP 31.000
Tipaxe HLA DQB1 alta resolución PCR-SSP 18.000
Tipaxe HLA DPB1 alta resolución PCR-SSP 33.000
Detección de células epiteliais en productos
de aférese (inmunocitoquímica) 25.000
Selección positiva de precursores
hematopoxéticos675.600
Selección negativa de precursores
hematopoxéticos371.000
Monoclonal adicional en selección negativa
de precursores hematopoxéticos 91.760
Detección de translocación t(14;18) (PCR) 30.000
2405