A Secretaría Xeral da Consellería de Agricultura, Gandería e Montes resolveu convoca-la seguinte licitación polo sistema de concurso aberto:
1. Obxecto: contratación da asistencia técnica consistente na realización das análises de 560.000 mostras de leite procedentes do control leiteiro de gando vacún, de acordo cos proxectos e pregos aprobados para ela.
2. Orzamento de licitación: corenta millóns de pesetas (40.000.000 de ptas.).
3. Fianza provisional: oitocentas mil pesetas (800.000 ptas).
4. Fianza definitiva: un millón seiscentas mil pesetas (1.600.000 ptas).
5. Prazo de execución: ata o 31 de decembro de 1997.
6. Clasificación: grupo I, subgrupo 02, categoría B.
7. Exposición do proxecto e pregos: o proxecto, así como o prego de cláusulas administrativas particulares, estarán á disposición dos licitadores para o seu exame durante o prazo de presentación de proposicións, os días e horas hábiles de oficina, no Servicio de Producción Animal da Dirección Xeral de Producción Agropecuaria e Industrias Agroalimentarias da Consellería de Agricultura, Gandería e Montes (edificios administrativos de San Caetano, s/n, Santiago de Compostela - A Coruña).
8. Modelo de proposición: a proposición económica formularase estrictamente conforme o modelo que figura no prego de cláusulas administrativas particulares.
9. Presentación e apertura de proposicións: as proposicións serán entregadas no rexistro xeral da Consellería de Agricultura, Gandería e Montes ou en calquera das vías admitidas polo artigo 38 da Lei 30/1992, do 26 de novembro, de réxime xurídico das administracións públicas e do procedemento administrativo común, antes das 14 horas do 12 de maio de 1997.
A apertura de proposicións terá lugar no acto público ás 13 horas do día 16 de maio de 1997, na sala B de reunións da Consellería da Presidencia e Administración Pública, situada no semisoto do edificio central de San Caetano, Santiago de Compostela.
10. Gastos de publicación: serán por conta dos adxudicatarios.
Santiago de Compostela, 31 de marzo de 1997.
P.D.(Orde 13-12-1993, DOG nº 239, do 14-12-1993)
Antonio L. Rosón Pérez
Secretario xeral da Consellería de Agricultura, Gandería e Montes
2354