A Corporación Municipal, en Pleno deste Concello, en sesión extraordinaria celebrada o 13 de febreiro de 1997, acordou prestar aprobación definitiva á modificación puntual das normas subsidiarias municipais de planeamento para cualificación de parcela en Salgueira (Vilalonga), como equipamento deportivo, sendo a parte dispositiva do mencionado acordo a seguinte:

Primeiro.-O acto de aprobación definitiva publicarase no Diario Oficial de Galicia, comprensivo do alcance da modificación.

Segundo.-Daráselle traslado á Consellería de Política Territorial, Obras Públicas e Vivenda dunha copia adverada do expediente administrativo completo e dous exemplares do instrumento aprobado, con tódolos planos e documentos que integran a modificación puntual das NN.SS.MM., debidamente dilixenciado polo secretario do concello.

Terceiro.-A eficacia da aprobación definitiva e a entrada en vigor da modificación puntual das NN.SS.MM. queda condicionada á xustificación no

expediente de terse cumprido o reseñado nos apartados anteriores.

Contra este acordo, que é definitivo en vía administrativa, poderase interpor directamente, e no prazo de dous meses, recurso contencioso-administrativo, perante o Tribunal Superior de Xustiza de Galicia na Coruña, logo da comunicación ó órgano autor do acto ó que se refire o artigo 110.3º da Lei 30/1992, do 26 de novembro, de réxime xurídico das administracións públicas e do procedemento administrativo común, sen prexuízo de que poida exercerse, se é o caso, calquera outro recurso que considere procedente.

Sanxenxo, 19 de febreiro de 1997.

J. Luis Rodríguez Lorenzo

Alcalde

1284