Visto o escrito presentado por Francisco López-Santos, con enderezo para efectos de notificacións na rúa Agastía, nº 80, 28043-Madrid, no que solicita autorización administrativa, aprobación do proxecto das novas instalacións electromecánicas e recoñecemento de instalación acollida ó réxime especial de producción eléctrica (REPE) da central hidroeléctrica de Santa Mariña, sita no río As Balsadas, concello de Ourol, provincia de Lugo, téñense en conta os seguintes

FEITOS:

Primeiro: o 14 de outubro de 1987 Auxime, S.A. presentou solicitude de concesión de 1.250 litros/s de auga do río As Balsadas, con destino á producción de enerxía eléctrica, no termo municipal de Ourol, provincia de Lugo, acompañando a documentación esixida no Real decreto 916/1985, do 25 de maio, polo que se establece o procedemento abreviado de tramitación de concesións e autorizacións administrativas para a instalación, ampliación ou adaptación de aproveitamentos hidroeléctricos cunha potencia nominal que non exceda de 5.000 kVA, modificado polo Real decreto 249/1988, do 18 de marzo.

Segundo: a solicitude de autorización administrativa da central someteuse a trámite de información pública, para os efectos previstos no artigo 9 do Decreto 2617/1966, do 20 de outubro, sobre autorización de instalacións eléctricas, seguindo o procedemento establecido no Real decreto 916/1985, do 25 de maio, citado con anterioridade.

Terceiro: o 22 de agosto de 1989, a Consellería de Ordenación do Territorio e Obras Públicas resolveu outorga-la concesión de aproveitamento no río As Balsadas, para un caudal máximo de 1.250 litros/s e un salto bruto de 157,5 metros.

Cuarto: o 17 de xaneiro de 1996, a Comisión Galega de Medio Ambiente acordou formula-la declaración de efectos ambientais, que lle foi notificada ó titular da concesión, quen por medio de senllos escritos presentados o 25 de marzo e o 3 de abril

de 1996, solicitou a revisión da mencionada declaración no referente ás condicións que fixaban os caudalis ecolóxicos.

O 19 de xuño de 1996, a Comisión Galega de Medio Ambiente formulou unha nova declaración de efectos ambientais.

Quinto: as instalacións electromecánicas da central hidroeléctrica de Santa Mariña, segundo o proxecto de execución desta, asinado polo enxeñeiro de camiños, canais e portos Jorge Caveda Aspiazu e polo enxeñeiro industrial Guillermo Planas Roca, constan dun equipo productivo, para situar nun edificio de 18,00x8,00 m, constituído polos seguintes elementos:

- Unha turbina Francis, de eixe horizontal, de 1.656 kW de potencia nominal, velocidade nominal de 1.000 r.p.m. e salto neto de 151,50 metros.

- Un xerador síncrono trifásico de 2.000 kVA de potencia, tensión nominal de 6.000 V e frecuencia 50 Hz.

- Un transformador de potencia trifásico de 2.000 kVA, grupo de conexión YNd11, relación de transformación 6/20 kV.

- Unha ponte guindastre birrail, de 7,70 metros de luz entre carrís, percorrido de gancho de 6 metros e peso máximo de izado 15.000 Kg.

- Celas de trafo de potencia, de protección de trafo, de interruptor de interconexión, de medida e protección e de acometida.

- Instalacións de medida, control, protección e manobra.

Sexto: o 15 de xaneiro de 1997, o delegado provincial de Industria e Comercio de Lugo emitiu informe favorable, propoñendo a aprobación do proxecto e a inclusión da instalación no réxime especial de instalacións de producción de enerxía eléctrica, grupo f).

Fundamentos de dereito

Primeiro: a Dirección Xeral de Industria é competente para resolver este expediente con base no Estatuto de autonomía de Galicia, no Real decreto 2.563/1982, do 24 de xullo, no Decreto 132/1982, do 4 de novembro e no Decreto 209/1990, do 15 de marzo, polo que se establece a estructura orgánica da Consellería de Industria e Comercio, modificado polo Decreto 140/1991, do 2 de maio e 292/1995, do 3 de novembro, en relación co Decreto 2617/1966, do 20 de outubro e Real decreto 916/1985, do 25 de maio, citados con anterioridade.

Segundo: no expediente instruído para o efecto cumpríronse os trámites regulamentarios.

Esta dirección xeral, de acordo con todo o antedito e no exercicio das competencias que ten atribuídas,

RESOLVE:

1º) Autorizarlle a Auxime S.A. a instalación dos equipos electromecánicos reflectidos no proxecto electromecánico Central Hidroeléctrica de Santa Mariña, no río As Balsadas, concello de Ourol, provincia de Lugo.

2º) Aproba-lo proxecto de execución das instalacións electromecánicas da central hidroeléctrica referida.

3º) Recoñecerlle a esta instalación a condición de instalación acollida ó réxime especial do Real decreto 2366/1994, e incluíla no grupo f) do artigo 2 do dito real decreto.

Queda obrigada a empresa titular da instalación, a notifica-lo comezo e remate das obras para a súa inspección e posta en marcha, podendo a Administración autonómica deixar sen efecto a presente resolución, despois do oportuno expediente, no momento que observe incumprimento dos regulamentos, condicionantes técnicos e de seguridade, medidas correctoras establecidas polos organismos e entidades que constan no expediente deste aproveitamento hidroeléctrico.

Contra esta resolución, que non é definitiva en vía administrativa, poderá interpoñer recurso ordinario, perante o conselleiro de Industria e Comercio da Xunta de Galicia, no prazo dun mes contado desde a súa publicación no Diario Oficial de Galicia, de acordo co disposto no artigo 114 da Lei 30/1992, do 26 de novembro, do réxime xurídico das administracións públicas e do procedemento administrativo común.

Santiago de Compostela, 22 de xaneiro de 1997.

Joaquín del Moral Crespo

Director xeral de Industria

2091