Pola Orde do 26 de novembro de 1993 (DOG do 23-12-1993), artigo 2º, outórgaselle-lo título de profesor especialista en lingua galega ós licenciados en filoloxía e ós diplomados en EXB polas escolas universitarias de formación do profesorado de EXB que posúan os certificados do ciclo elemental e do ciclo superior de galego das escolas oficiais de idiomas.
Por outra banda, a Orde do 6 de abril de 1983 (DOG do 23-4-1983), que establece o procedemento para a concesión da validación dos cursos de iniciación, perfeccionamento e especialidade realizados para profesores de preescolar e educación básica, establece no seu artigo primeiro que se lles outorgará o título de profesor especialista en galego ós profesores de EXB que teñan, como mínimo, aprobadas tres asignaturas de galego dunha licenciatura de filoloxía.
Tendo os aspirantes que se relacionan no anexo I superados tódolos requisitos que se establecen no primeiro parágrafo, e os que se relacionan no anexo II os establecidos no segundo parágrafo, a Consellería de Educación e Ordenación Universitaria procede a autoriza-la expedición dos diplomas correspondentes.
En virtude do exposto,
DISPOÑO:
Artigo único.-Declarar que os profesores que se relacionan nos anexos I e II desta orde teñen dereito á concesión do diploma de profesores especialistas en lingua galega, debendo esta consellería expedírlle-los correspondentes documentos, para os efectos legais oportunos.
Disposición derradeira
Única.-Facúltase a Dirección Xeral de Política Lingüística da Consellería de Educación e Ordenación Universitaria para dicta-las instruccións necesarias para o desenvolvemento desta orde.
Santiago de Compostela, 17 de febreiro de 1997.
Celso Currás Fernández
Conselleiro de Educación e Ordenación
Universitaria
ANEXO I
Gómez López, María Cristina.
Pérez Gómez, María José.
Rodríguez García, Ana María.
Sobredo Mata, María del Pilar.
Villanueva Segade, María Mercedes.
ANEXO II
Pérez-Roca Fernández, Carlos José.
Suárez Hernández, Ramón.
2110