Visto o expediente para outorgamento de autorización administrativa, declaración de utilidade pública e aprobación do proxecto de execución da instalación eléctrica que a continuación se detalla:
Solicitante: Eléctrica Sestelo y Cía.
Enderezo social: Gabino Bugallal, 44, 36860 Ponteareas.
Denominación: L.M.T. de enlace sub. Bugarín con L.M.T. Ponteareas-Vilasobroso.
Situación: Ponteareas.
Descricións técnicas: L.M.T., aéreo-subterránea, a 20 kV, de 390 m de lonxitude, con conductor de 3x150 mm de sección, e 804 m de lonxitude o tramo aéreo, con conductor tipo LA-110, sobre apoios de formigón, desde a subestación Bugarín pasando polo centro de distribución da empresa Sestelo, ata a liña existente de Ponteareas-Sobroso, entre os apoios 14 e 15, concello de Ponteareas.
Cumpridos os trámites ordenados nos capítulos III e IV dos decretos 2617 e 1619/1966, do 20 de outubro, sobre autorización e expropiación forzosa das instalacións eléctricas, esta delegación provincial resolve.
Autorizar, declarar de utilidade pública e aproba-lo proxecto de execución das devanditas instalacións, nas que as características se axustarán en tódalas súas partes ás que figuran nel e as condicións técnicas e de seguridade establecidas nos regulamentos de aplicación, e nos condicionados establecidos polos ministerios, organismos ou corporacións que constan nos expedientes.
Pontevedra, 20 de febreiro de 1997.
Ramón Álvarez Abad
Delegado provincial de Pontevedra
1893