Visto o expediente instruído por instancia de Rosa Raña Ramos, na súa calidade de representante da entidade mercantil Viajes Uría, S.L., en solicitude

da autorización de apertura dun novo establecemento, en Santiago de Compostela, na r/ Hórreo, 5-1º, da axencia de viaxes Viajes Uría, S.L., do grupo maiorista-retallista, co código identificativo A.V.70 AS., que ten a súa casa central en Oviedo, na r/ Uría, 76-1º.

Ó resultar que, o interesado xunto coa solicitude achegou toda a documentación á que fai referencia o artigo 10 do Regulamento das axencias de viaxes de Galicia, aprobado mediante o Decreto 155/1989, do 22 de xuño.

Ó resultar que, na tramitación do expediente, se observaron tódolos requisitos e formalidades establecidas regulamentariamente.

Ó considerar que, na empresa solicitante e no novo establecemento da axencia de viaxes, concorren tódalas condicións esixidas polo mencionado regulamento para a obtención da súa autorización.

Vistos o Real decreto 2086/1983, do 1 de setembro, de traspaso de funcións e servicios do Estado á Comunidade Autónoma de Galicia en materia de turismo, a Lei 1/1983, do 22 de febreiro, reguladora da Xunta de Galicia e do seu presidente, o Decreto 155/1989, do 22 de xuño, polo que se aproba o regulamento das axencias de viaxes de Galicia, e a Orde do 4 de outubro de 1995, da Consellería da Presidencia e Administración Pública, pola que se delega no secretario xeral para o Turismo a competencia para autoriza-los novos establecementos das axencias de viaxes xa autorizadas, esta Secretaría Xeral para o Turismo,

RESOLVE:

Autorizarlle á axencia de viaxes Viajes Uría, S.L., sita en Oviedo, na r/ Uría, 76-1º, da que é titular a entidade mercantil Viajes Uría S.L., a apertura dun novo establecemento en Santiago de Compostela, na r/ Hórreo, 5-1º que será inscrito no Rexistro de Empresas e Actividades Turísticas da Comunidade Autónoma galega.

Contra esta resolución, o interesado poderá interpoñer recurso contencioso-administrativo, perante a Sala do Contencioso-Administrativo do Tribunal Superior de Xustiza de Galicia, no prazo de dous meses contados desde o día seguinte ó da súa publicación no Diario Oficial de Galicia.

Santiago de Compostela, 4 de marzo de 1997.

P.D. (Orde 4-10-1995)

Rubén Víctor Lois Calviño

Secretario xeral para o Turismo

2265