Convocada, pola Orde do 7 de novembro de 1996 (DOG nº 227, do 20 de novembro de 1996), a provisión, polo sistema de libre designación, de postos de traballo vacantes nos servicios centrais da Consellería de Sanidade e Servicios Sociais e do Servicio Galego de Saúde, esta consellería, de conformidade co previsto no artigo 27.2 da Lei 4/1988, do 26 de maio, da función pública de Galicia, e nos artigos
16 e 17 do Decreto 93/1991, do 20 de marzo, e en uso das facultades que lle confire o artigo 15.4º da devandita lei,
DISPÓN:
Primeiro.-Resolver definitivamente a convocatoria pública para a provisión, polo sistema de libre designación, dun posto de traballo vacante nos servicios centrais do Servicio Galego de Saúde, anunciada pola Orde do 7 de novembro de 1996 (DOG nº 227, do 20 de novembro de 1996), resolta parcialmente pola Orde do 9 de xaneiro de 1997 (DOG nº 14, do 22 de xaneiro).
Segundo.-Adxudicar destino, no posto de traballo que se indica, ó persoal que se relaciona no anexo á presente orde.
Terceiro.-O persoal mencionado deberá tomar posesión no prazo sinalado no artigo 14 do Decreto 93/1991, do 20 de marzo.
Cuarto.-Contra a presente orde, que esgota a vía administrativa, poderase interpoñer recurso contencioso-administrativo, previsto na Lei reguladora da xurisdicción contencioso-administrativa, do 27 de decembro de 1956, perante o Tribunal Superior de Xustiza de Galicia no prazo de dous meses a partir do día seguinte ó da súa publicación, despois de comunicarllo a esta consellería, segundo o previsto no artigo 110.3º da Lei 30/1992, do 26 de novembro, de réxime xurídico das administracións públicas e do procedemento administrativo común.
Santiago de Compostela, 11 de marzo de 1997.
José Mª Hernández Cochón
Conselleiro de Sanidade e Servicios Sociais
ANEXO
Apelidos e nome: García Rodríguez, Mª Alvarita.
N.R.P.: 1106122502 A1610.
Grupo: B.
Nivel C.D.: 28.
Corpo ou clase: xestión.
Posto de traballo: Servicio de Ordenación e Xestión en Atención Primaria.
Dependencia: Dirección Xeral de Atención Primaria do Sergas.
Localidade: Santiago de Compostela.
97-2066
