Resolución do concello de Coristanco (A Coruña) polo que se anuncia concurso para a adxudicación de concesión da xestión e explotación do servicio municipal de auga potable.

Obxecto do contrato: a concesión da xestión e explotación do servicio municipal de auga potable do municipio de Coristanco.

Tramitación, procedemento e forma de adxudicación:

a) Tramitación: ordinaria.

b) Procedemento: aberto.

c) Forma de adxudicación: concurso.

Duración do contrato: a concesión terá unha duración de 15 anos, podendo prorrogarse por un ou varios períodos iguais ata o máximo legal establecido no artigo 158 da Lei 13/1995.

Tipo de licitación: dada a natureza do contrato non se determina o seu prezo global, que quedou fixado en función dun estudio xustificativo dos costes que lle comporte ó que resulte adxudicatario, a xestión do servicio e do seu beneficio industrial durante o primeiro ano da súa xestión.

Garantías: provisional de 400.000 pesetas e definitiva do 4 por 100 do importe de adxudicación.

Exame do expediente, obtención de documentación e información: na secretaría municipal, de 9 a 14 horas, durante o prazo de presentación de proposicións.

Presentación de proposicións: as proposicións presentaranse na secretaría do concello, de 9 a 14 horas, durante o prazo de vinteseis días naturais, contados desde o seguinte ó da publicación deste anuncio no BOP, Diario Oficial de Galicia e Boletín Oficial del Estado, último en que apareza publicado. Se o último día para a presentación de proposicións fose sábado, poderán presentarse ata as 14 horas do primeiro día hábil seguinte.

Os licitadores presentarán as proposicións en catro sobres, sinalados coas letras A, B, C e D.

* O sobre A: documentación administrativa.

* O sobre B: referencias.

* O sobre C: iniciativas.

* O sobre D: proposición.

Apertura de plicas: terá lugar en acto público, no salón de sesións da Casa do Concello, ás doce horas do día seguinte hábil ó do remate do prazo de presentación de proposicións. Se o día da apertura fose sábado trasladarase ó primeiro día hábil seguinte.

Documentación que deben presenta-los licitadores: os indicados na base novena do prego de condicións técnicas e económico-administrativas que lle serve de base ó concurso.

Coristanco, 26 de febreiro de 1997.

Antonio Pensado Plágaro

Alcalde

658