Convocada a provisión, polo sistema de libre designación, de dous postos de traballo vacantes na Consellería de Economía e Facenda, por Orde do 13 de novembro de 1996 (DOG nº 231, do 26 de novembro de 1996), en uso das facultades e atribucións conferidas pola Lei 4/1988, do 26 de maio, da función pública de Galicia, no seu artigo 15.4º e de conformidade co disposto no artigo 27 da referida lei, modificado polo artigo 6 da Lei 3/1995, do 10 de abril; visto o Decreto 93/1991, do 20 de marzo e demais normativa vixente, esta consellería dispón resolver parcialmente a dita convocatoria de acordo cos seguintes apartados:
Primeiro.-Designa-lo funcionario que se cita no anexo desta orde para ocupa-lo posto que así mesmo se sinala.
Segundo.-O cesamento no actual destino efectuarase segundo o previsto no artigo 14 do Decreto 93/1991, do 20 de marzo, no prazo de tres días a partires do seguinte ó da publicación da presente orde no DOG.
A toma de posesión deberá facerse no prazo de tres días a partir do día seguinte ó do cesamento, ó tratarse de postos radicados na mesma localidade.
Terceiro.-A xefatura de persoal do centro onde cause alta o funcionario efectuará, dentro dos prazos sinalados anteriormente, a dilixencia de toma de posesión e seguidamente serán realizados os trámites para a súa alta en nómina.
Das dilixencias efectuadas serán remitidas copias á Dirección Xeral da Función Pública e á Inspección Xeral de Servicios.
Cuarto.-Contra esta orde, que esgota a vía administrativa, os interesados poderan interpoñer recurso contencioso-administrativo perante o Tribunal Superior de Xusticia de Galicia no prazo de dous meses contados a partir do día seguinte ó da súa publicación no Diario Oficial de Galicia, logo de comunicación a esta consellería da vontade de interpoñerlo.
Santiago de Compostela, 26 de febreiro de 1997.
P.D. (Orde 13-12-1993)
Emilio Álvarez Rey
Secretario xeral e do Patrimonio da Consellería de Economía e Facenda
ANEXO
Apelidos e nome: Caínzos Cudeiro, Manuel.
NRP: 3490905346 A205F.
Grupo: B.
Denominación: xefe Servicio Xestión Tributaria.
Código do posto: EFC991000032001040.
Nivel: 28.
Complemento E.: 1.376.844.
Centro directivo/Dependencia: delegación territorial Consellería Economía e Facenda.
Localidade: Ourense.
1522