Aprobación inicial da modificación puntual do PXOU na unidade de actuación número 22 e parque Rosalía de Castro.
O Pleno da Corporación, en sesión extraordinaria celebrada o día dezasete de xaneiro de mil novecentos noventa e sete, prestou aprobación inicial á modificación puntual do PXOU no ámbito do parque Rosalía de Castro e unidade de actuación número 22 dese documento de ordenación integral do territorio municipal, sendo formulado este documento de modificación do planeamento de ordenación integral do municipio por esta Administración municipal e redactado polo arquitecto xefe do Servicio Municipal de Xestión e Disciplina Urbanística, dispoñéndose a rectificación do erro aritmético existente no proxecto de modificación debendo figurar nos apartados 6.1 «Descrición da nova ordenación» e 7.1 que a edificación admisible é de 5.573 m na parcela do actual parque Rosalía de Castro, dispoñéndose o seu sometemento á información pública. Así mesmo, o concello asume o compromiso de poñer á disposición da Xunta de Galicia os terreos necesarios, aptos para a edificación e libres de cargas e gravames
para a execución da sobras do recinto feiral (pavillón e contorno) unha vez que sexa aprobada definitivamente polo Pleno a modificación puntual do plan xeral xa aprobada inicialmente, facultando o alcalde para a formalización dun convenio coa Xunta de Galicia e deputación provincial coa finalidade de termina-la construcción do auditorio e pazo de exposicións e congresos, xa contratada, acondiciona-lo seu interior, realizar instalacións espaciais, e construír un pavillón feiral urbanizando a súa contorna; a súa explotación, mantemento e conservación serán asumidos polo concello unha vez que sexan recibidas as obras executadas de forma provisional. Os terreos necesarios para os accesos e rampas ó pazo de exposicións e congresos poñeranse á disposición da consellería de inmediato para facilita-la execución das obras.
Durante o prazo dun mes, contado a partir da publicación deste anuncio no Diario Oficial de Galicia, calquera interesado poderá examinar na Unidade de Fomento do concello (rúa Dona Teresa) a documentación inicialmente aprobada, e formula-las alegacións que coide pertinentes.
Pontevedra, 13 de febreiro de 1996.
Juan Luis Pedrosa Vicente
Alcalde
Julio Dapena Outomuro
Secretario xeral
1588