Vista a documentación presentada pola Asociación de Profesionais de Auga, Gas, Electricidade, Calefacción e Afíns da Comunidade Autónoma de Galicia, pola que solicitan que lles sexa concedida a cualificación de entidade autorizada para a impartición de cursos teórico-prácticos para a formación de instaladores de gas nas catro categorías IG-I, IG-II, IG-III e IG-IV.
Vista a Orde do 17 de decembro de 1985, do Ministerio de Industria e Enerxía, pola que se aproban a instrucción sobre documentación e posta en servicio das instalacións receptoras de gases combustibles e a instrucción sobre instaladores autorizados de gas e empresas instaladoras, na que se establecen as diferentes probas e requisitos para a obtención dos distintos tipos de carnés, así como as condicións que deben cumpri-las entidades autorizadas para a formación de instaladores.
Considerando que a entidade solicitante cómpre cos requisitos regulamentariamente establecidos, esta dirección xeral,
RESOLVE:
Outorgarlle á Asociación de Profesionais de Auga, Gas, Electricidade, Calefacción e Afíns da Comunidade Autónoma de Galicia a cualificación de entidade autorizada para a impartición de cursos teórico-prácticos para a formación de instaladores de gas nas catro categorías IG-I, IG-II, IG-III e IG-IV, e proceder á súa inscrición no rexistro correspondente da Dirección Xeral de Industria.
Para o inicio das actividades, deberán presentar perante a delegación provincial de Industria e Comercio correspondente, fotocopia desta resolución, así como a programación, profesorado, tarifas, lugar, horarios e exames dos cursos, co fin de realiza-lo control correspondente.
Así mesmo e para efectos estatísticos e de control, deberase presentar nas delegacións provinciais de Industria e Comercio correspondentes unha memoria anual de actuacións na provincia, debendo figurar
nela os datos relacionados no punto 12.4 da devandita Orde do 17 de decembro de 1985, e na Dirección Xeral de Industria un resumo destas en toda a Comunidade Autónoma galega.
Esta autorización deberá renovarse ós dous anos, para o cal deberase acreditar perante esta Dirección Xeral de Industria o cumprimento dos requisitos esixidos na autorización inicial.
Santiago de Compostela, 5 de febreiro de 1997.
Joaquín del Moral Crespo
Director xeral de Industria
1299