A Escola Galega de Administración Pública, en colaboración coa Escola de Ludwigburg (Alemaña), organiza un seminario sobre política ambiental, conforme as seguintes bases:

Primeira.-Obxectivos.

Establecer un foro de debate que aborde a situación medioambiental de Alemaña e España (con especial referencia a Galicia), dos seus problemas e carencias das posibles solucións que se poden adoptar en materia de política ambiental.

Segunda.-Contido.

Abordaranse algúns aspectos do medio ambiente de especial relevancia e interese, sempre desde unha perspectiva global e integradora, así como a utilización dos instrumentos de xestión ambiental e plans de actuación que se están levando a cabo nas políticas ambientais de ámbolos dous países.

Terceira.-Destinatarios.

Persoal ó servicio de calquera das administracións públicas galegas e interesados en xeral.

Cuarta.-Desenvolvemento e duración.

O seminario abrirase o martes, día 18 de marzo, ás 10 horas, e rematará ás 14 horas do mércores día 19.

Quinta.-Inscrición.

-Prazo: remata o venres día 14 de marzo de 1997.

-Lugar de presentación: no rexistro xeral da EGAP (Polígono das Fontiñas, rúa de Madrid, 2-4, 15703, Santiago de Compostela). Tfno. 57 08 00. Telefax 57 15 40.

-Forma: as solicitudes de inscrición faranse por escrito, no modelo oficial que figura ó final destas bases. Serán rexeitadas todas aquelas peticións que non reúnan o dito requisito.

As peticións de admisión poderanse enviar por correo ordinario ou por telefax ó número consignado.

-Inscrición fóra de prazo: só se admitirán de quedaren prazas baleiras, coa condición de que se cumpran os requisitos xerais antes indicados.

Os peticionarios poderán obter confirmación da súa posible admisión chamando por teléfono de 10.30 a 14.45 horas, ó seguinte número: (981) 57 08 00 (Ext. 229).

Sexta.-Certificación de asistencia.

Entregaráselles ó remate deste seminario a aqueles asistentes que concorresen asiduamente e expresarase neste documento a natureza da actividade e as datas da súa realización.

Sétima.-Modificacións.

A EGAP reserva para si a facultade de cancela-lo seminario se o escaso número de solicitudes non xustificasen a súa realización.

Santiago de Compostela, 28 de febreiro de 1997.

Domingo Bello Janeiro

Director da Escola Galega de Administración Pública

1336