O día 20 de febreiro de 1997, a Dirección Xeral de Persoal da Consellería de Educación e Ordenación Universitaria remitiulle á Sala do Contencioso-Administrativo, sección primeira, do Tribunal Superior de Xustiza de Galicia, o expediente administrativo correspondente ó recurso contencioso-administrativo número 01/1802/96, interposto por Elena de la Iglesia Candame, contra orde desta consellería, do 15 de outubro de 1996 (DOG do 4 de novembro), pola que se convoca concurso de traslados entre funcionarios do corpo de mestres.

En cumprimento do requirimento da presidencia da sala e o disposto no artigo 64 da Lei do 27 de decembro de 1956, reguladora da xurisdicción contencioso-administrativa, modificada pola Lei 10/1992, do 30 de abril, faise público para que tódolos interesados no procedemento, dos que se descoñece a súa identidade, poidan comparecer e presentarse en autos, no prazo de nove días, perante a sección primeira da Sala do Contencioso-Administrativo do Tribunal Superior de Xustiza de Galicia.

Santiago de Compostela, 20 de febreiro de 1997.

Máximo García Serrano

Secretario xeral da Consellería de Educación e Ordenación Universitaria

97-1402