Examinada a solicitude de inscrición no Rexistro de Entidades de Promoción do Camiño de Santiago, presentada pola Orden de los Caballeros del Camino de Santiago, con data de 5 de febreiro de 1997.

Visto o Decreto 224/1994, do 2 de xuño, polo que se crea o referido rexistro.

Visto igualmente o informe da xerencia de promoción do Camiño de Santiago, emitido de acordo co artigo 3.

Considerando que a solicitude presentada cumpre as normas establecidas no decreto de referencia,

RESOLVO:

Que a Orden de los Caballeros del Camino de Santiago quede inscrita no Rexistro de Entidades de Promoción do Camiño de Santiago, co número 069.

Santiago de Compostela, 10 de febreiro de 1997.

P.D. (Orde 24-6-1996)

Jesús Pérez Varela

Conselleiro de Cultura e Comunicación Social

1487