Examinado o expediente incoado por Serafín Veiga Ramos, en nome e representación de Duques de Lugo, titulares do centro privado de educación especial Unidad Diagnótico y Tratamiento de Niños Autistas y Psicóticos de Santiago de Compostela (A Coruña), en solicitude de cambio de denominación do devandito centro.
Resultando que o expediente foi tramitado pola Delegación Provincial de Educación e Ordenación Universitaria da Coruña, que se uniron a este os documentos esixidos e que a petición foi informada favorablemente pola Inspección de Educación e pola propia delegación provincial.
Resultando que o referido centro ten a correspondente autorización para impartir ensinanzas.
Vistos o Real decreto 401/1979, do 13 de febreiro (BOE do 8 de marzo), o Real decreto 2377/1985, do 18 de decembro (BOE do 27), o Real decreto
1004/1991, do 14 de xuño (BOE do 26), o Decreto 133/1995, do 10 de maio (DOG do 22), Orde do 20 de setembro de 1995 (DOG do 15 de decembro), polo que se desenvolve o antedito decreto.
Considerando que se cumpriron neste expediente tódolos requisitos esixidos pola normativa vixente nesta materia.
Esta consellería,
DISPÓN:
Autoriza-lo cambio de denominación do centro privado concertado Unidad Diagnóstico y Tratamiento de Niños Autistas y Psicóticos de Santiago de Compostela (A Coruña) pasando a denominarse Duques de Lugo.
O cambio de denominación non afectará ó réxime de funcionamento do centro.
Santiago de Compostela, 3 de febreiro de 1997.
Celso Currás Fernández
Conselleiro de Educación e Ordenación Universitaria
97-1380