Dentro dos programas de actividades que a Academia Galega de Seguridade ten previsto realizar no ano 1997, conforme as funcións atribuídas pola Lei 4/1992, do 9 de abril, de creación da Academia Galega de Seguridade, anúnciase a celebración das segundas xornadas sobre drogas e función policial, que deberán desenvolverse conforme as seguintes bases:
Primeira.-Obxectivos.
As xornadas teñen por obxectivo coñecer en profundidade a problemática da intervención policial no tema do tráfico e consumo de drogas, e analizar métodos de rehabilitación e comportamento de toxicómanos, etc.
Segunda.-Destinatarios.
As xornadas van dirixidas ós membros dos corpos e forzas de seguridade.
Terceira.-Inscrición.
A inscrición dos participantes será totalmente gratuíta.
Cuarta.-Prazas.
O número de prazas que se ofertarán é de 250.
Quinta.-Solicitudes.
1. O persoal que desexe participar nestas xornadas deberá presentar, cuberta a máquina ou con letra moi clara, a instancia que figura no anexo.
2. O prazo para a presentación de instancias rematará o día 7 de abril de 1997.
3. As instancias deberán enviarse á sede da Academia Galega de Seguridade: rúa de Madrid, 2-4, polígono das Fontiñas, 15703 Santiago de Compostela, ou ben poden entregarse en calquera dos lugares previstos no artigo 38.4º da Lei 30/1992, do 26 de novembro, de réxime xurídico das administracións públicas e do procedemento administrativo común.
Sexta.-Contido e duración.
As xornadas celebraranse en sesións de mañá e tarde, e nelas abordarase o tema das drogas desde as seguintes perspectivas: sociolóxica, xurídica, política e policial.
Sétima.-Datas.
As xornadas celebraranse durante os días 17 e 18 de abril de 1997.
O horario será en xornada de mañá (9.30 a 14 h) e tarde (16 a 20 h) o día 17, e en sesión de mañá o día 18.
Oitava.-Relación de admitidos.
A relación de admitidos publicarase o día 9 de abril de 1997 no taboleiro de anuncios da Academia Galega de Seguridade, ou ben poden confirma-la súa asistencia chamando ó teléfono (981) 56 34 00.
Novena.-Lugar.
Salón de actos da Escola Galega de Administración Pública, sita na rúa de Madrid, 2-4, no polígono das Fontiñas, en Santiago de Compostela.
Décima.-Certificado de participación.
Ó remate das xornadas entregaráselles un certificado de asistencia a aquelas persoas que acrediten a súa participación continuada a estas.
Undécima.-Modificacións.
A Academia Galega de Seguridade poderá modifica-lo desenvolvemento das xornadas para adap
talas ás necesidades da Administración e ás continxencias que poidan xurdir.
Santiago de Compostela, 5 de febreiro de 1997.
Juan José Fariñas-Ferro Rodríguez
Director xeral da Academia Galega de Seguridade
97-1373
