O Pleno da Corporación municipal da Pobra de Trives, en sesión celebrada o 31 de marzo de 1995 acordou a cesión á Comunidade Autónoma de Galicia dun terreo para a construcción do Centro de Exposicións Permanente da Comarca de Trives.

Conforme os artigos 17.1º da Lei 3/1985, do 12 de abril, do patrimonio da Comunidade Autónoma galega, e 34 do seu regulamento aprobado polo Decreto 50/1989, do 9 de marzo, a adquisición pura e simple de bens a título gratuíto ou lucrativo requirirá decreto do Consello da Xunta de Galicia, por proposta da Consellería de Economía e Facenda. Así mesmo, os artigos 23.1 da mesma lei e 38.1 do regulamento establecen que non se poderán adquirir bens ou dereitos a título lucrativo cando o valor dos gravames, cargas ou afeccións impostos sobre eles sobrepase o seu valor intrínseco; se ben non se consideran carga, gravame ou afección os investimentos que teña que realiza-la Comunidade Autónoma para da-lo destino de uso xeral ou servicio público da súa competencia que fixe o cedente ou doador.

Na súa virtude, de conformidade coa proposta do conselleiro de Economía e Facenda, feita nos termos nos que o Concello da Pobra de Trives acordou a cesión, logo de deliberación do Consello da Xunta de Galicia na súa reunión do día trece de febreiro de mil novecentos noventa e sete,

DISPOÑO:

Artigo 1º

Acepta-la cesión gratuíta do terreo pertencente ó Concello da Pobra de Trives, sito en Sas de Xunqueira, termo municipal da Pobra de Trives, denominado A Gándara, duns 4.815 metros cadrados aproximadamente, que linda: norte, herdeiros de Domingo García Pérez; sur, Agenor Osorio; leste, propiedade de Leónides González; e oeste, estrada comarcal C-536, e integrado polos seguintes predios rexistrais contiguos:

1ª. Rústica nomeada A Gándara, en Sas de Xunqueira, termo municipal da Pobra de Trives, de 1.383 metros cadrados, que linda: norte e sur, Ubaldino Vázquez Rodríguez; leste, herdeiros de Domingo García Pérez; e oeste, Agenor Osorio. Atópase inscrita no Rexistro da Propiedade da Pobra de Trives no tomo 356, libro 66, folio 8, predio 8.536, inscricción 1ª.

2ª. Rústica nomeada Leira de Sas a Gándara, en Sas de Xunqueira, termo municipal da Pobra de Trives, de 2.189 metros cadrados, que linda: norte, Leónides González; sur, Dorinda Pérez Fernández; leste, herdeiros de Domingo García Pérez; e oeste, Agenor Osorio. Atópase inscrita no Rexistro da Propiedade da Pobra de Trives ó tomo 356, libro 66, folio 9, predio 8.537, inscrición 1ª.

3ª. Rústica nomeada A Gándara, en Sas de Xunqueira, termo municipal da Pobra de Trives, de 1.033 metros cadrados, que linda: norte, Dorinda Pérez Fernández; sur, estrada comarcal C-536; leste, descoñecido; e oeste, herdeiros de Domingo García Pérez. Atópase inscrita no rexistro da Propiedade da Pobra de Trives no tomo 356, libro 66, folio 10, predio 8.538, inscrición 1ª.

Artigo 2º

O inmoble cedido destinarase á construcción do Centro de Exposicións Permanente da Comarca de Trives.

Artigo 3º

A Consellería de Economía e Facenda, a través da Secretaría Xeral e do Patrimonio, procederá á formalización da cesión no correspondente documento público e á inscrición do ben no Rexistro da Propiedade a nome da Comunidade Autónoma.

Disposición derradeira

A Consellería de Economía e Facenda, a través da Secretaría Xeral e do Patrimonio, levará a cabo tódolos trámites necesarios para a efectividade do presente decreto.

Santiago de Compostela, trece de febreiro de mil novecentos noventa e sete.

Manuel Fraga Iribarne

Presidente

José Antonio Orza Fernández

Conselleiro de Economía e Facenda

1454