Non sendo atopados nos respectivos domicilios coñecidos por esta delegación de Economía e Facenda e, por conseguinte, sen se poder levar a efecto a notificación pretendida ós contribuíntes que a seguir se relacionan, por medio do presente edicto e de conformidade co artigo 103 do Regulamento xeral de recadación, notifícaselles que, sendo expedido polo órgano competente título executivo que acredita que a débeda non foi satisfeita no prazo de ingreso voluntario, a Tesourería desta delegación acordou liquida-lo recargo de constrinximento polo 20% das débedas pendentes e dictar providencias
para que se proceda executivamente contra o patrimonio dos debedores ou as garantías existentes, no caso de que no prazo que se indica a continuación, determinado no artigo 108 do Regulamento xeral de recadación, no efectúen no Tesouro da Facenda galega o ingreso da débeda tributaria polas liquidacións practicadas ós devanditos interesados e correspondentes ós impostos, anos e contías que se citan.
Formas de realiza-lo ingreso:
-Mediante OBRIGA DE PAGAMENTO, en calquera banco ou caixa de aforros autorizados (entidades colaboradoras) do ámbito da delegación que practica esta liquidación.
-Na caixa desta delegación de Economía e Facenda:
1) En metálico.
2) Por cheque ou talón de conta corrente bancaria ou da caixa de aforros, conformado.
Prazos para efectua-lo ingreso (artigo 108 do Regulamento xeral de recadación):
As débedas entenderanse notificadas o día da súa publicación no Diario Oficial de Galicia.
a) Se a publicación se realiza entre os días 1 e 15 de cada mes, ata o 20 do dito mes ou o inmediato hábil posterior.
b) Se a publicación se realiza entre os días 16 e último de cada mes, ata o 5 do mes seguinte ou o inmediato hábil posterior.
Recursos e suspensións
-Tributos cedidos:
-Recurso de reposición no prazo de quince días ante a dependencia de recadación, ou
-Reclamación económica-administrativa no prazo de quince días ante o Tribunal Económico-Administrativo Rexional de Galicia.
Ámbolos dous recursos non poderán simultanearse.
-Tributos e outros recursos propios:
-Recurso de reposición no prazo de quince días ante a dependencia de recadación, ou
-Reclamación económica-administrativa no prazo de quince días ante o Tribunal Económico-Administrativo da Comunidade Autónoma de Galicia.
Ámbolos dous recursos non poderán simultanearse.
Os expedintes encóntranse á disposición dos interesados na Tesourería desta delegación.
A Coruña, 4 de febreiro de 1997.
P.S.
Enrique Fernández Arias
Secretario da Delegación Territorial da Coruña
97-8882
