O Decreto 83/1996, do 29 de febreiro, sobre homoxeneización dos medios técnicos das policías locais de Galicia, desenvolve o artigo 16 da Lei 3/1992, do 23 de marzo, de coordinación das policías locais, e regula os elementos e sistemas que os corpos de policía local utilizan para cumprir coas súas obrigas, e que se entende por medios técnicos.
A disposicón derradeira primeira do devandito decreto faculta o conselleiro de Xustiza, Interior e Relacións Laborais para dicta-las disposicións necesarias para o seu desenvolvemento.
A fin de clarexa-las descricións dos medios técnicos establecidos no devandito Decreto 83/1996 e en uso das atribucións que teño conferidas,
DISPOÑO:
Artigo único.-O deseño gráfico dos medios técnicos dos policías locais, establecidos no Decreto 83/1996, do 29 de febreiro, é o que se indica no anexo a esta orde.
Disposición derradeira
Esta disposición entrará en vigor o día seguinte ó da súa publicación no Diario Oficial de Galicia.
Santiago de Compostela, 15 de xaneiro de 1997.
Jesús Carlos Palmou Lorenzo
Conselleiro de Xustiza, Interior e Relacións Laborais
1106