DOG 32 do 17/02/1997 - RESOLUCIÓN do 3 de febreiro de 1997, da Dirección Xeral da Función Pública, pola que se anuncia exposición pública das listas provisionais das axudas aprobadas e denegadas de tódalas prestacións do fondo de acción social do ano 1996 para o persoal ó servicio da Xunta de Galicia.

III. OUTRAS DISPOSICIÓNS

CONSELLERÍA DA PRESIDENCIA E ADMINISTRACIÓN PÚBLICA

RESOLUCIÓN do 3 de febreiro de 1997, da Dirección Xeral da Función Pública, pola que se anuncia exposición pública das listas provisionais das axudas aprobadas e denegadas de tódalas prestacións do fondo de acción social do ano 1996 para o persoal ó servicio da Xunta de Galicia.

De conformidade co establecido no punto dous das normas de procedemento do acordo subscrito en Santiago de Compostela o 6 de maio de 1996 polos representantes da Administración autonómica e as organizacións sindicais presentes na Mesa Xeral de Negociación de Funcionarios e do Comité Intercentros do Persoal Laboral, aprobado polo Consello da Xunta de Galicia o 24 de maio de 1996 e publicado por Resolución do 3 de xuño de 1996, da Dirección Xeral de Relacións Laborais (DOG nº 119, do 18-6-1996, corrección de erros no DOG nº 123,

do 24-6-96) deben publicarse as listas provisionais das axudas da acción social do ano 1996.

De conformidade con isto, esta dirección xeral,

ACORDA:

Primeiro.-Facer públicas as listas provisionais das solicitudes aprobadas e denegadas das prestacións correspondentes ás continxencias de xubilación, fillos menores, estudios de fillos, estudios do traballador, diminuídos e vivenda da acción social do ano 1996, que están expostas no taboleiro de anuncios de tódalas consellerías, así como nas delegacións provinciais e relativas ó seu persoal.

Segundo.-Poderase presentar escrito e, se é o caso, documentos de reparación de faltas e erros no prazo de dez días hábiles a partir do día seguinte ó da publicación desta resolución no Diario Oficial de Galicia de acordo co establecido no artigo 71 da Lei 30/1992, de réxime xurídico das administracións públicas e do procedemento administrativo común, e na base 6-2 do acordo sobre criterios de reparto do fondo de acción social para o exercicio de 1996 (DOG nº 119 do 18-6-1996) no rexistro xeral da Consellería da Presidencia e Administración Pública, nas delegacións provinciais das distintas consellerías e nas oficinas de correos, segundo establece o artigo 38 da mencionada Lei 30/1992, do 26 de novembro, e dirixiranse ó director xeral da Función Pública da Consellería da Presidencia e Administración Pública (edificios administrativos de San Caetano), Santiago de Compostela.

Santiago de Compostela, 3 de febreiro de 1997.

Joaquín López-Rúa Soler

Director xeral da Funcion Publica

1055