O artigo 3 da Lei 5/1987, do 27 de maio, (DOG nº 103, do 2 de xuño), do Consello Social da Universidade e do Consello Universitario de Galicia determina a composición do Consello Social da Universidade. Pola súa banda, os artigos 5 e 6 da lei establecen o procedemento de designación dos membros do referido Consello Social.

Na Universidade de Vigo producíronse as baixas como representantes da Xunta de Goberno desa universidade no Consello Social de José Carlos Cermeño Iglesias, Milagros Cavada Nieto, Ricardo Varela Caride e Alfredo López Concepción, e a súa substitución, respectivamente, por Andrés Ramón Trillo García, nomeado novo xerente, Pedro Araújo Nespereira, Alejandro Gómez Soler e Emilio José Pérez González, para os efectos previstos no artigo 7 da Lei 5/1987. Do mesmo xeito, produciuse o relevo de Rogelio Mariño Leiro como membro do Consello Social en representación da Unión Xeral de Traballadores de Galicia e a renuncia, en función do establecido no artigo 8 da referida Lei 5/1987, de José Rojo Salgado, que fora nomeado pola Xunta de Galicia como membro do Consello Social da dita universidade en representación dos intereses sociais, e a súa substitución, respectivamente, por Benito Gama Calvo e Amador Vázquez Vázquez.

Así mesmo, recibíronse nesta consellería, en cumprimento do artigo 8, os documentos preceptivos por parte dos novos membros designados de non incorrer en incompatibilidade.

Por todo iso, por instancia das institucións correspondentes, e por proposta do conselleiro de Educación e Ordenación Universitaria, en cumprimento do artigo 7 da Lei 5/1987, e en uso das atribucións conferidas pola Lei 1/1983, do 22 de febreiro, reguladora da Xunta e do seu presidente, modificada pola Lei 11/1988, do 20 de outubro, logo de deliberación do Consello da Xunta de Galicia, na súa reunión do día seis de febreiro de mil novecentos noventa e sete,

DISPOÑO:

Artigo único.

Nomear como membros do Consello Social da Universidade de Vigo a Andrés Ramón Trillo García, a Pedro Araújo Nespereira, a Alejandro Gómez Soler

e a Emilio José Pérez González en representación da Xunta de Goberno desta universidade e a Amador Vázquez Vázquez e a Benito Gama Calvo en representación dos intereses sociais.

Estas persoas substitúen, respectivamente, e polo mesmo concepto, a José Carlos Cermeño Iglesias, a Milagros Cavada Nieto, a Ricardo Varela Caride, a Alfredo López Concepción, a José Rojo Salgado e a Rogelio Mariño Leiro, que cesan como membros do Consello Social da Universidade de Vigo, agradecéndolle-los servicios prestados.

Disposición derradeira

O presente decreto entrará en vigor o día seguinte ó da súa publicación no Diario Oficial de Galicia.

Santiago de Compostela, seis de febreiro de mil novecentos noventa e sete.

Manuel Fraga Iribarne

Presidente

Celso Currás Fernández

Conselleiro de Educación e Ordenación Universitaria

1008