A disposición derradeira primeira do Decreto 452/1996, do 20 de decembro, que regula a concesión de axudas ás familias numerosas para adquisición de vivenda familiar, faculta o conselleiro de Política Territorial, Obras Públicas e Vivenda para dictar, no marco das súas competencias, as disposicións necesarias para o seu desenvolvemento.
Logo dos informes preceptivos segundo o Decreto 21/1992, do 29 de xaneiro, e a orde da Consellería da Presidencia e Administración Pública, do 9 de novembro de 1993, e en uso da referida autorización,
DISPOÑO:
Artigo 1º.-Ingresos familiares e prazos de formalización.
Para os efectos do disposto no artigo 3 do Decreto 452/1996, do 20 de decembro, determínase:
1. Por ingresos familiares entenderase a contía da base ou das bases impoñibles dos membros integrantes da familia segundo a declaración do IRPF correspondente ó derradeiro exercicio económico no que xa vencese o prazo de presentación de declaracións en período voluntario.
Por ingresos familiares ponderados entenderase o resultado de lles aplicar ós ingresos familiares o correspondente coeficiente de ponderación, segundo a seguinte fórmula:
Ingresos familiares ponderados = ingresos familiares x coeficiente de ponderación.
Aplicaranse os seguintes coeficientes de ponderación en función do número de fillos no momento da presentación da solicitude:
Número de fillosCoeficiente de ponderación
40,90
50,85
60,80
70,75
80,70
9 ou máis0,65
2. O prazo de formalización da escritura pública de compravenda ou da declaración de obra nova rematada será o comprendido entre o 1 de xaneiro de 1996 e o 31 de xullo de 1997.
Artigo 2º.-Baremo de puntuación.
Para os efectos do disposto no artigo 4 do Decreto 452/1996, do 20 de decembro, establécese o seguinte baremo de puntuación:
1. Nº de fillosPuntos
32
44
56
1. Nº de fillosPuntos
68
710
812
914
10 ou máis16
2. Ingresos familiares ponderados
en nº de veces o salario mínimo
interprofesionalPuntos
De 4,5 ata 5,51
De 3,5 ata 4,52
De 2,5 ata 3,54
De 1,5 ata 2,56
De 0 ata 1,58
3.Cada membro da familia
numerosa en situación dePuntos
* Incapacidade permanente parcial1
* Incapacidade permanente total2
* Incapacidade permanente absoluta3
* Gran invalidez4
4. Familia monoparental2 puntos.
Artigo 3º.-Contía das subvencións.
Para os efectos do establecido no artigo 4 do Decreto 452/1996, do 20 de decembro, as contías das subvencións a fondo perdido serán as seguintes:
-Para as solicitudes que obteñan resolución aprobatoria cun mínimo de dous puntos, a subvención será de 800.000 ptas. (oitocentas mil pesetas).
-Para as que obteñan resolución aprobatoria con máis de dous puntos, cada punto máis implicará unha subvención adicional de 100.000 ptas. (cen mil pesetas).
Artigo 4º.-Solicitudes.
Para efectos do disposto no artigo 5 do Decreto 452/1996, do 20 de decembro:
1. O modelo de solicitude é o que figura no anexo da presente disposición.
2. Ás referidas solicitudes xuntarase en todo caso a documentación que figura así mesmo no anexo da presente disposición.
3. O prazo de presentación de solicitudes comezará o día seguinte ó da publicación da presente orde e rematará o día 31 de xullo de 1997.
Artigo 5º.-Aplicación orzamentaria:
Estas axudas financiaranse con cargo á aplicación orzamentaria 06.50.331A.786 do orzamentos xerais da Comunidade Autónoma para 1997.
Disposición derradeira
A presente orde entrará en vigor o día seguinte ó da súa publicación no Diario Oficial de Galicia.
Santiago de Compostela, 24 de xaneiro 1997.
José Cuíña Crespo
Conselleiro de Política Territorial Obras Públicas e Vivenda
707
