Convócase concurso público por procedemento aberto, trámite de urxencia, para a subministración dunha estación de traballo para o Servicio de Correo Electrónico e WWW da universidade (Servicios Informáticos de Apoio á Investigación).

O prego de cláusulas administrativas particulares para a contratación de subministracións por concurso público pódese retirar na xerencia, Servicio de Xestión Económica, na sede do rectorado sita en r/ Maestranza s/n, A Coruña, de luns a venres e de 9 a 14 horas.

As propostas presentaranse no rexistro xeral da universidade, r/ Maestranza s/n, A Coruña, de luns a venres e de 9 a 14 horas.

O prazo de presentación de proposicións rematará ás 14 horas do décimo terceiro día natural contado a partir do seguinte ó da publicación desta resolución no Diario Oficial de Galicia.

A apertura de plicas celebrarase o terceiro día hábil seguinte ó do remate do prazo de presentación de proposicións, ás 11 horas da mañá na sala de xuntas da xerencia; se este día coincide en sábado realizarase o luns seguinte á mesma hora.

Orzamento de contratación: dous millóns cincocentas mil pesetas (2.500.000).

Garantía provisional: cincuenta mil pesetas (50.000).

A Coruña, 27 de xaneiro de 1997.

P.D. (R. 30-3-1990)

José María Pujalte Giménez

Xerente da Universidade da Coruña