A Dirección Xerencia do hospital Arquitecto Marcide-Novoa Santos, en virtude das atribucións que lle foron delegadas conforme o establecido no artigo 7 da orde da Consellería de Sanidade e Servicios Sociais, do 22 de maio de 1996 (DOG 111, do 6 de xuño), sobre delegación de competencias en órganos centrais e periféricos do Sergas, convoca o seguinte concurso público.
Expediente: CP 1-M/96.
Servicio: mantemento dos equipos de radioloxía e diagnóstico por imaxe.
Orzamento: 31.610.000 ptas. IVE incluído.
Fianza provisional: 2% do orzamento de licitación (segundo anexo I).
Clasificación: grupo III, subgrupo VII, categoría B.
Forma de adxudicación: concurso público, procedemento aberto, tramitación ordinaria.
Prazo de execución: os servicios obxecto do presente concurso público realizaranse no prazo establecido no prego de cláusulas administrativas particulares (anexo I).
Admisión de variantes: non se admitirán.
Solvencia económica e financeira: acreditarase de acordo co establecido no artigo 16 da Lei 13/1995, de contratos das administracións públicas e no prego de cláusulas administrativas particulares.
Solvencia técnica: acreditarase de acordo co establecido no artigo 19 da Lei 13/1995, de contratos das administracións públicas e no prego de cláusulas administrativas particulares.
Criterios de adxudicación:
1. Materiais 14%.
2. Proposta económica: 14%.
3. Indice de utilización dos equipos: 12%.
4. Período de cobertura e tempo de resposta: 12%.
5. Recursos humanos: 12%.
6. Mantemento preventivo e correctivo: 10%.
7. Innovacións/actualizacions e achegas de melloras: 9%.
8. Xestión do contrato: 6%.
9. Prezo hora: 6%.
10. Formación: 5%.
Documentos de interese para os licitadores: o prego de cláusulas administrativas particulares e demais documentación complementaria estarán de manifesto e a disposición dos concursantes para o seu exame no Servicio de Mantemento do complexo hospitalario Arquitecto Marcide-P. Novoa Santos, estrada de San Pedro de Leixa s/n.- 15405 Ferrol (A Coruña), tódolos días laborais, agás os sábados, das 9 ás 15 horas.
Presentación de proposicións: as proposicións deberán ser presentadas en man, en sobres pechados e asinados polo licitador ou persoa que o represente, no rexistro xeral do complexo hospitalario Arquitecto Marcide-P. Novoa Santos antes das 14 horas do vixésimo sexto día natural contado a partir do seguinte ó da publicación desta resolución no DOG, ou enviadas por correo dentro do prazo sinalado.
Cando as proposicións se envíen por correo, o licitador deberá xustifica-la data de imposición do envío na oficina de correos e anunciarlle ó órgano de contratación a remisión da oferta mediante fax (981) 33 40 15 ou telegrama no mesmo día, de conformidade co artigo 100 do Regulamento xeral de contratación do Estado.
Apertura das proposicións: terá lugar na sala de xuntas do complexo hospitalario Arquitecto Marcide-P. Novoa Santos sito na estrada San Pedro de Leixa, s/n 15405 Ferrol, a partir das 10 horas do
décimo primeiro día natural contado desde o seguinte a aquel no que remate o prazo de presentación de ofertas. No caso de que o dito día coincida en sábado ou festivo, a apertura das proposicións terá lugar o día hábil seguinte.
Documentación que presentarán os licitadores: os documentos que figuran no prego de cláusulas administrativas particulares.
Anuncios: o pagamento do anuncio do presente concurso público será por conta do/s adxudicatario/s do/s contrato/s.
Ferrol, 18 de decembro de 1996.
Pedro Molina Coll
Director xerente do complexo hospitalario
Arquitecto Marcide P. Novoa Santos
688