Pola presente cédula, en cumprimento do disposto no artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, notifícaselle a Manuel Ares Maroño, adxudicatario da vivenda do expediente C-90, correspondente á conta 30, sita na rúa Interior do grupo de vivendas Santa Cristina (Palavea) bloque 1, portal 1, 3º C, na Coruña, que o vindeiro día 10 de febreiro, ás 11 horas, procederase a executa-lo lanzamento derivado do expediente de desafiuzamento seguido por falta de pagamento, e en virtude da autorización xudicial concedida para a entrada en domicilio de particulares polo Xulgado de Instrucción número seis da Coruña.

Para este acto comparecerá no seu domicilio José Ruiz Gómez, recadador da empresa colaboradora na xestión e recadación de vivendas da Xunta de Galicia, Hnos. Alonso Garrán, S.L. debidamente autorizado con credencial asinada para o efecto polo director xeral do Instituto Galego da Vivenda e Solo e co auxilio das forzas de seguridade.

Para poder paraliza-lo dito acto poderá facer efectiva a débeda pendente maila recarga establecida, en calquer momento anterior do lanzamento.

Poderá así mesmo deixar voluntariamente a vivenda que ten adxudicada, facendo entrega das chaves na Delegación Provincial do Instituto Galego da Vivenda e Solo.

Santiago de Compostela, 16 de xaneiro de 1997.

José Antonio Redondo López

Director xeral do Instituto Galego da Vivenda e Solo

316