O Xulgado de Primeira Instancia e Instrucción número seis de Santiago de Compostela tramita co número 402/1996, expediente de dominio, por instancia de María del Carmen Moure Alonso, representada polo procurador Cuns Núñez, para a inmatriculación no Rexistro da Propiedade de Santiago de Compostela, por reanudación do tracto sucesivo do seguinte predio:
Labradío, no barrio de Guadalupe, concello de Santiago de Compostela, chamado O Cendal, que mide cinco áreas e cincuenta e nove centiáreas. Linda: norte, casa e terreo de Jesús Moure Gigirey, hoxe desta propiedade; sur, Ramón Montero Martínez; leste, herdeiros de José Suárez Vahamonde, hoxe Consuelo Seoane Rúa; e oeste, estrada, hoxe rúa Federico García Lorca.
E por medio do presente edicto son citadas as persoas ignoradas ás que lles poida prexudica-la inscrición solicitada, co fin de que dentro dos dez días seguintes ó da publicación, poidan comparecer ante este xulgado e alega-lo que ó seu dereito conveña.
Dado en Santiago de Compostela o doce de decembro de mil novecentos noventa e seis.
O maxistrado-xuíz
Rubricado
A secretaria
Rubricado
67