Por resolución da alcaldía do día de hoxe en aplicación da competencia dada polo Real decreto-lei 5/1996, do 7 de xuño, de modificación parcial da

Lei 7/1985, do 2 de abril, resolveuse aprobar definitivamente o proxecto de urbanización redactado polo arquitecto Santiago González Rodríguez e promovido por Fomento y Desarrollo Económico, S.L., para Gadisa e outros, para un soar sito entre as avenidas da Coruña e de Ferrol, encamiñado ó desenvolvemento do estudio de detalle aprobado definitivamente polo Pleno desta corporación municipal en sesión do 30 de setembro de 1996.

O que se fai público en aplicación do artigo 124 do Real decreto-lexislativo 1/1992, do 26 de xuño (polo que se aproba o texto refundido da Lei sobre o réxime do solo e ordenación urbana) e do artigo 140.6º do Real decreto 2159/1987, do 23 de xuño (polo que se proba o Regulamento de planeamento).

A dita resolución pon fin á vía administrativa, e contra ela poderase interpoñer recurso contencioso-administrativo ante a Sala do Contencioso-Administrativo do Tribunal Superior de Xustiza de Galicia no prazo de dous meses, contado desde o día seguinte ó da publicación deste anuncio no Diario Oficial de Galicia, sen prexuízo de que se utilice e interpoña calquera outro que se considere conveniente.

Ribeira, 13 de xaneiro de 1997.

José Luis Torres Colomer

Alcalde

9229