O artigo 2, punto 4, do Decreto 327/91, de 4 de outubro, de avaliación dos efectos ambientais para Galicia (DOG nº 199, do 15 de outubro), dispón que o órgano ambiental someterá o estudio de efectos ambientais ó trámite de información pública, durante quince días hábiles, mediante anuncio no Diario Oficial de Galicia.

Na súa virtude

RESOLVO:

1.-Someter a información pública, no prazo de quince días hábiles, contado a partir da publicación da presente resolución, o estudio de efectos ambientais do proxecto de construcción do aproveitamento hidroeléctrico do río Cadós, concello de Bande (Ourense) promovida por Jesús Manuel Núñez Álvarez.

2.-Para os referidos efectos informativos, poranse á disposición dos administrados exemplares nas seguintes dependencias:

* Secretaría Xeral da Comisión Galega do Medio Ambiente.

* Delegación Provincial da Consellería da Presidencia e Administración Pública (Comisión Provincial do Medio Ambiente) da provincia de Ourense.

* Concello de Bande.

3.-As alegacións formularanse durante o dito prazo de quince días.

4.-Unha vez rematado o mencionado prazo, remitiráselle o expediente coas correspondentes alegacións á Secretaría Xeral da Comisión Galega do Medio Ambiente.

Santiago de Compostela, 10 de xaneiro de 1997.

José Luis Aboal García-Tuñón

Secretario xeral da Comisión Galega

do Medio Ambiente

122