Visto o expediente para outorgamento de autorización administrativa, declaración de utilidade pública, e aprobación do proxecto de execución das instalacións eléctricas que a continuación se detallan:
-Solicitante: Unión Eléctrica-Fenosa, S.A.
-Enderezo social: rúa Severo Ochoa, 2, 15000 A Coruña.
-Denominación: L.M.T., CC.TT.II. e R.B.T. en Texo e Ramil.
-Situación: Vedra e Boqueixón.
-Descripcións técnicas: liña eléctrica aérea de media tensión, a 20 kV, sobre apoios de formigón e metálicos, con conductor LA-56, de 1.872 m de lonxitude, con orixe na liña denominada Gándara-Nande (Expte. 10516) e final no C.T. que se instalará en Ramil.
Dous centros de transformación aéreos, de 50 kVA/U, sobre apoios de formigón, en Texo e Ramil con tensións de 20/0,380-0,220 kV, dos que parten redes de baixa tensión en conductor R.Z. de 37 e 43 m de lonxitude respectivamente. Vedra e Boqueixón.
Cumpridos os trámites ordenados nos capítulos III e IV dos decretos 2617 e 2619/1966, do 20 de outubro, sobre autorización e expropiación forzosa das instalacións eléctricas, esta delegación provincial resolveu,
Autorizar, declarar de utilidade pública e aproba-lo proxecto de execución das devanditas instalacións, nas que as características se axustarán en tódalas súas partes ás que figuran nel e ás condicións técnicas e de seguridade establecidas nos regulamentos de aplicación, e nos condicionados establecidos polos ministerios, organismos ou corporacións que constan nos expedientes.
A Coruña, 4 de decembro de 1996.
Juan Ignacio Lizaur Otero
Delegado provincial da Coruña
9684