Vistas as solicitudes presentadas e unha vez verificado que se cumpren os requisitos establecidos na Orde do 4 de xuño de 1996, pola que se establecen axudas para a cobertura de parte dos xuros que deberán aboa-los titulares dos centros privados concertados de ensino no universitario da Comunidade Autónoma de Galicia polo préstamo bancario para a adaptación das instalacións ás ensinanzas da Lei orgánica 1/1990, xeral do sistema educativo.

Tendo en conta os criterios establecidos na dita orde, esta consellería, por proposta da Dirección Xeral de Centros e Inspección Educativa,

DISPÓN:

Concedérlle-las axudas, coa contía que se especifica, ós centros que se relacionan no anexo da presente orde.

Para o pagamento das ditas axudas os beneficiarios deberán presentar, no caso de que non o tivesen feito e con anterioridade ó 31 de decembro de 1996, a documentación que se establece no punto décimo cuarto da referida Orde do 4 de xuño de 1996.

A presente orde esgota a vía administrativa, podendo interpoñer contra ela recurso contencioso-administrativo perante o órgano xurisdiccional competente, no prazo de dous meses desde a súa publicación no Diario Oficial de Galicia.

Santiago de Compostela, 29 de novembro de 1996.

Celso Currás Fernández

Conselleiro de Educación e Ordenación Universitaria

ANEXO

9577