A Comisión de Goberno, en sesión ordinaria celebrada o 16 de decembro de 1996, aprobou, con carácter inicial, o proxecto de urbanización da parcela resultante da modificación puntual do PXOU no extinto ámbito da unidade de actuación número 6, delimitada pola rúa Cobián Roffignac esquina á rúa Santa Clara e convento do mesmo nome, documento de obras promovido, mediante iniciativa particular, por Lagar de Saín, S.A., en subrogación aceptada neste acordo dos dereitos e obrigas de Del Corral y Anciles, S.L. e redactado polos arquitectos Bouzas Cavada e del Campo Navarro, con visado colexial do 28-10-1996, dispoñéndose o seu sometemento a información pública.
Durante o prazo de quince días, contados a partir da publicación deste anuncio no Diario Oficial de Galicia, calquera interesado poderá examinar na Unidade de Fomento do concello (rúa Dona Teresa) a documentación inicialmente aprobada, e formula-las alegacións que coide pertinentes.
Pontevedra, 20 de decembro de 1996.
Juan Luis Pedrosa Fernández
Alcalde
s