Visto o expediente do convenio colectivo para o sector do comercio retallista téxtil, que tivo entrada nesta delegación provincial o día 23-10-1996, subscrito en representación da parte económica pola Asociación Provincial de Empresarios de Comercio Detallista Textil, e da parte social, polas centrais sindicais CC.OO., UGT e CIG, con data do 9-10-1996, de conformidade co disposto no artigo 90.2º e 3º, do Real decreto lexislativo 1/1995, do 24 de marzo, polo que se aproba o texto refundido da Lei do Estatuto dos traballadores, Real decreto 1040/1981, do 22 de maio, sobre rexistro e depósito de convenios colectivos de traballo e Real decreto 2412/1982, do 24 de xullo, sobre traspaso de funcións e servicios da Administración do Estado á Comunidade Autónoma de Galicia, en materia de traballo, esta delegación provincial,
ACORDA:
Primeiro.-Ordena-la súa inscrición no libro de rexistro de convenios colectivos de traballo desta delegación provincial e a notificación ás representacións económica e social da comisión negociadora.
Segundo.-Ordena-lo seu depósito no Servicio de Relacións Laborais, Sección de Mediación, Arbitraxe e Conciliación.
Terceiro.-Dispoñe-la súa publicación no Diario Oficial de Galicia.
Vigo, 30 de outubro de 1996.
Antonio Coello Bufill
Delegado provincial de Pontevedra
Convenio colectivo de traballo para o sector do comercio retallista téxtil
Capítulo I
Disposicións xerais
Artigo 1º.-Partes asinantes.
Son partes asinantes do presente convenio as centrais sindicais Comisións Obreiras (CC.OO.), a Confederación Intersindical Galega (CIG), e a Unión Xeral de Traballadores (UGT), en representación dos traballadores, e a Asociación Provincial de Empresarios del Comercio Detallista Textil de Pontevedra, en representación dos empresarios do sector.
Artigo 2º.-Ámbito de aplicación.
O presente convenio regulará as relacións laborais de tódalas empresas da provincia de Pontevedra que, tanto na actualidade como no futuro, se dediquen á venda por retallo de tecidos en xeral, roupa confeccionada, alfombras e tapices, paquetería, mercería, quincallería, etc.
Artigo 3º.-Duración e vixencia.
O presente convenio entrará en vigor ós quince días da súa sinatura, sen prexuízo da súa publicación no BOP, aínda que os seus efectos económicos se retrotraerán ó 1 de febreiro de 1995.
Terá unha duración de dous anos e os seus efectos finalizarán o día 31 de xaneiro de 1997.
Non obstante, entenderase prorrogado tacitamente por anualidades, se non media denuncia das partes con tres meses de anticipación, polo menos, ó final da súa vixencia. A dita denuncia deberase facer por escrito dirixido á outra parte afectada polo convenio.
Artigo 4º.-Condicións máis beneficiosas.
O persoal que con anterioridade ó convenio viñese desfrutando dunhas condicións económicas ou laborais máis beneficiosas cás aquí pactadas, deberá conservalas facéndose o cálculo polo conxunto anual de tódalas percepcións.
Artigo 5º.-Compensación de melloras.
As melloras económicas que se implantan en virtude do presente convenio, así como as voluntarias que no futuro se establezan, poderán ser compensadas e absorbidas, ata onde alcancen, cos aumentos ou melloras que actualmente teñan establecidas as empresas ou que no futuro se establezan con carácter xeral, mediante disposición legal.
Capítulo II
Retribucións
Artigo 6º.-Salarios.
As retribucións salariais son, para cada un dos dous anos, as que para cada categoría se fixan nas táboas salariais anexas a este.
Artigo 7º.-Revisión salarial.
No caso de que o índice de prezos de consumo (IPC) rexistrase o primeiro de febreiro de 1997 un incremento respecto ó 31 de xaneiro de 1996 superior ó 3,7%, o dito exceso servirá de base para a negociación do ano 1997.
Para isto, no momento da negociación do convenio colectivo do ano 1997 procederase a cuantifica-lo dito exceso, calculado sobre os salarios utilizados para realiza-los aumentos pactados para 1996. A cuantificación do dito exceso adicionaráselles ós salarios vixentes o 31 de xaneiro de 1997 e sobre a cantidade resultante, calcularanse os incrementos salariais que rexerán a partir do 1 de febreiro de 1997.
Artigo 8º.-Aumentos por antigüidade.
Os aumentos periódicos por tempo de servicio consistirán en cuadrienios do seis por cento sobre os salarios base deste convenio.
Artigo 9º.-Plus de transporte.
O persoal das empresas afectadas por este convenio percibirá un plus de transporte, que será aboado por día efectivo de traballo, na contía de 375 e 389 ptas. respectivamente para o primeiro e segundo ano de vixencia do convenio.
Artigo 10º.-Gratificacións extraordinarias.
O persoal afectado polo presente convenio colectivo percibirá as gratificacións extraordinarias correspondentes ós meses de xullo e decembro polo importe dunha mensualidade cada unha delas.
Establécese unha paga extraordinaria no mes de outubro, consistente nunha mensualidade. A dita paga farase efectiva no mes de outubro de cada ano, tendo en conta o que se dispón sobre a referida paga no artigo 13 do convenio.
Así mesmo, todo o persoal desfrutará unha gratificación denominada de beneficios polo importe mínimo dunha mensualidade completa.
As citadas pagas calcularanse en función dos soldos que para cada categoría fixa o anexo deste convenio, máis a antigüidade, se for o caso, para todo o persoal.
As catro gratificacións que se establecen serán concedidas en proporción ó tempo traballado, rateándose nos supostos que proceda, tales como os de entrada ou cesamento do traballador na empresa.
Artigo 11º.-Axudas de custo.
Cando as empresas despracen os seus traballadores para que realicen traballos fóra do lugar habitual da súa residencia, estarán obrigados a aboar, en concepto de axudas de custo, as cantidades seguintes:
-Xantar: 1.984.
-Cea: 1.984.
-Pernoctación: 1.984.
-Almorzo: 689.
Se os desprazamentos se fan en coche propiedade do traballador, este percibirá trinta e tres pesetas por quilómetro percorrido.
Artigo 12º.-Gratificacións especiais ós escaparatistas.
O persoal non contratado como escaparatista que, non obstante, realice con carácter normal a función da ornamentación de escaparates nos establecementos, terá dereito en concepto de gratificación especial a un plus do dez por cento do seu salario base.
Capítulo III
Xornada laboral
Artigo 13º.-Condicións.
A xornada laboral será de 40 horas semanais de traballo efectivo.
No caso de as empresas teren necesidade de modifica-lo horario de traballo actualmente establecido para conseguir unha maior eficacia no seu funcionamento, as partes asinantes do convenio recoméndanlles ós afectados a súa mellor disposición para chegar a un entendemento.
As empresas quedan en liberdade para a apertura dos seus establecementos durante as tardes dos sábados de todo o ano, aínda que se deberán establece-las quendas rotativas correspondentes, de tal xeito que no ano os traballadores desfruten de descanso durante dezaoito sábados pola tarde.
Con excepción de Vigo, os establecementos do resto da provincia terán a opción de poder abrir durante as tardes deses sábados, se ben no caso de que se optase polo cerramento durante as tardes dos sábados, non quedarán obrigados a facer efectiva a paga extraordinaria de outubro.
Capítulo IV
Vacacións
Artigo 14º.-Contía.
Os traballadores afectados polo presente convenio desfrutarán de 30 días naturais de vacacións.
Artigo 15º.-Datas de desfrute.
O desfrute destes 30 días de vacacións estará comprendido entre os meses de abril a outubro, ambos inclusive, salvo que o traballador teña preferencia por outra época do ano.
Artigo 16º.-Determinación de quendas.
En cada empresa establecerase unha orde rotativa de preferencia, de tal forma que quen un ano foi primeiro á hora de elexir quenda, pasa a se-lo último no ano seguinte.
Capítulo V
Disposicións varias
Artigo 17º.-Xubilación.
Os traballadores que no momento da xubilación leven na empresa máis de 20 anos percibirán dela a cantidade de 236.491 pesetas; os que leven máis de 25 anos, 337.846, e os que leven máis de 30 anos, 422.303.
Artigo 18º.-Invalidez.
Durante a vixencia do convenio a todo traballador que lle sexa declarada unha situación legal de invalidez e que leve máis de quince anos ó servicio da empresa percibirá dela a cantidade de 67.569 pesetas; con máis de vinte anos, 92.907 pesetas; con máis de vintecinco anos, 143.586 pesetas; e con máis de trinta anos, 192.570 pesetas.
As ditas cantidades serán efectivas unha vez declarada oficialmente a invalidez e por unha soa vez.
Artigo 19º.-Defunción.
No caso de falecemento do traballador con polo menos un ano pertencendo á empresa, esta queda obrigada a satisfacerlles ós seus habentes dereito o importe de catro mensualidades iguais á derradeira que o traballador percibise, incrementada con tódolos emolumentos inherentes a ela.
Artigo 20º.-Incapacidade temporal.
En caso de incapacidade temporal derivada de enfermidade ou accidente debidamente acreditado pola Seguridade Social, do persoal comprendido no réxime de asistencia desta, a empresa completará as prestacións obrigatorias ata o importe íntegro das súas retribucións ata o límite de doce meses, aínda que o traballador fose substituído.
Artigo 21º.-Servicio militar.
Aplicarase o disposto no Estatuto dos traballadores.
Artigo 22º.-Roupa de traballo.
Ós traballadores que proceda proveráselles obrigatoriamente por parte da empresa de uniformes ou outra roupa de traballo das coñecidas e típicas para a realización das distintas e diversas actividades que o uso vén aconsellando.
A provisión de tales pezas farase ó comeza-la relación laboral entre as empresas e os traballadores en número de dúas pezas, que se repoñerán en anualidades sucesivas de maneira conveniente ou, cando menos, na metade delas.
Artigo 23º.-Excedencia por maternidade.
As traballadoras que, conforme o establecido no artigo 46.3º do Estatuto dos traballadores, soliciten un período de excedencia por un tempo non superior a un ano terán dereito á reserva do posto de traballo e á reincorporación a este unha vez finalizado o período de excedencia, sempre que o reingreso sexa solicitado cun mes de anticipación ó final dela.
Artigo 24º.-Licencias.
Os traballadores terán dereito a unha licencia retribuída de ata un máximo de tres días naturais ó ano, por necesidade de atender persoalmente asuntos propios que non admitan demora, téndose en conta para isto os desprazamentos que o traballador teña que realizar e as demais circunstancias que concorran no caso.
Esta licencia, demostrada a súa indubidable necesidade, concederase no acto, sen prexuízo das sancións que se lle poidan impor ó traballador que alegue causas que resulten falsas.
Igualmente, nos casos de morte ou enterramento do cónxuxe, ascendentes, descendentes ou irmáns, así como enfermidade grave do cónxuxe, pais e fillos e parto da esposa, os traballadores terán dereito a unha licencia retribuída de ata cinco días naturais, téndose en conta para isto os desprazamentos que o traballador teña que realizar e as demais circunstancias que concorran no caso.
Así mesmo, o traballador terá dereito a unha licencia retribuída de dous días, sen necesidade de ser xustificada. A dita licencia non poderá ser acumulable a períodos vacacionais e deberá ser solicitada cunha anticipación de 5 días polo menos.
Esta última licencia de dous días desaparecerá automaticamente do convenio no suposto de se producir con carácter xeral e a nivel nacional unha reducción da xornada.
Artigo 25º.-Recoñecemento médico.
As empresas afectadas por este convenio facilitaranlles ós traballadores que o soliciten un recoñecemento médico anual a través das súas mutuas patronais, Seguridade Social ou calquera outra forma que consideren oportuna.
Artigo 26º.-Taboleiro de anuncios.
As empresas afectadas por este convenio porán ó dispor dos traballadores un taboleiro de anuncios para inseri-las comunicacións de interese para estes.
Capítulo VI
Comisión paritaria
Artigo 27º.-Comisión paritaria.
As partes acordan nomear unha comisión paritaria composta por catro representantes dos traballadores e catro representantes empresariais para a interpretación das cláusulas do convenio.
A convocatoria das reunións deberase realizar en casos xustificados e por escrito dirixido á outra parte, con doce días de anticipación á data da reunión, detallando a orde do día. A asistencia ás ditas reunións será obrigatoria para ámbalas partes. A acta levantada será asinada no termo de 24 horas contadas desde a celebración da reunión.
Disposición derradeira
Artículo 28º.-Lexislación subsidiaria.
En todo o non previsto neste convenio será de aplicación o Estatuto dos traballadores e demais disposicións vixentes.
Disposicións adicionais
Primeira.-As diferencias económicas resultantes da aplicación do incremento salarial pactado, tendo en conta os efectos retroactivos ata o 1 de febreiro de 1995, faranse efectivas en dous prazos, pagadoiros o primeiro deles conxuntamente coa mensualidade de novembro de 1996 e o segundo coa mensualidade de decembro de 1996.
Segunda.-As partes nomean unha comisión paritaria que, en principio, estará configurada polos mesmos membros que o foran da comisión negociadora do presente convenio, para o estudio e subseguinte incorporación ó convenio do ano 97, das directrices do Acordo Marco de Comercio de 1996, no referido ás categorías profesionais.
Vigo, 9 de outubro de 1996
Táboa salarial anexa do convenio colectivo de traballo para o sector do comercio retallista téxtil de Pontevedra
Vixencia: do 1-2-1995 ó 31-1-1996
Categorías Salario mensual
Grupo I. Persoal técnico titulado Titulado de grao superior 93.224 Titulado de grao medio 90.185 Axudante técnico sanitario 89.172
Grupo II. Persoal mercantil técnico titulado Director 101.329 Xefe de división 93.224 Xefe de persoal, de vendas, de compras e encargado xeral 93.224 Xefe de sucursal e de supermercado 90.185 Xefe de almacén 90.185 Xefe de grupo 90.185 Xefe de sección mercantil 89.557 Encargado de establecemento, vendedor, comprador e poxador 89.557 Intérprete 84.304
Persoal mercantil propiamente dito Dependente maior 90.185 Viaxante 88.767 Corredor de praza 84.304 Dependente de 25 anos 88.358 Dependente de 22 a 25 anos 80.655 Axudante 74.985 Traballadores en formación (por 30 horas semanais efectivas, segundo R.D. 1992/84): -de 16 anos 34.958 -de 17 anos 37.993 -de 18 anos 53.694
Grupo III. Persoal técnico non titulado Director 101.329 Xefe de división 93.224 Xefe administrativo 91.197 Secretario 88.358 Contable 89.577 Xefe de sección administrativa 89.981
Persoal administrativo Contable, caixeiro, taquimecanógrafo 89.577 Oficial administrativo 88.358 Auxiliar administrativo 79.900 Aspirante de 16 anos 46.612 Aspirante de 17 anos 50.662 Auxiliar de caixa de 16 e 17 anos 50.662 Auxiliar de caixa de 18 e 19 anos 72.083 Auxiliar de caixa de 20 a 24 anos 76.136 Auxiliar de caixa de 25 anos ou máis 81.395
Grupo IV. Persoal de servicios e actividades auxiliares Xefe de sección ou servicio 89.980 Debuxante 88.329 Escaparatista 88.329 Axudante de montaxe 70.210 Delineante, visitador, rotulista 78.028 Cortador 82.079 Axudante de cortador 78.006 Xefe de taller 80.169 Profesional de oficio de 1ª 79.900 Profesional de oficio de 2ª 77.065 Profesional de oficio de 3ª 76.255 Capataz 79.900 Profesional de oficio axudante 74.090 Mozo especializado 79.900
Categorías Salario mensual
Ascensorista, telefonista, mozo, empaquetadora, reparadora de medias e cosedora de sacos, maiores de 18 anos. 77.874 As mesmas categorías, con menos de 18 anos, igual que os aspirantes, segundo a súa idade.
Grupo V. Persoal subalterno Conserxe 75.274 Cobrador 75.274 Vixilante, sereno, ordenanza, porteiro 72.083 Persoal de limpeza 72.083 Nota: o persoal de limpeza por horas percibirá o seu salario en proporción ás horas traballadas
Táboa salarial anexa do convenio coelctivo de traballo para o sector do comercio retallista téxtil de Pontevedra
Vixencia: do 1-2-1996 ó 31-1-1997
Categorías Salario mensual
Grupo I. Persoal técnico titulado Titulado de grao superior 96.673 Titulado de grao medio 93.552 Axudante técnico sanitario 92.471
Grupo II. Persoal mercantil técnico titulado Director 105.078 Xefe de división 96.673 Xefe de persoal, de vendas, de compras e encargado xeral 96.673 Xefe de sucursal e de supermercado 93.522 Xefe de almacén 93.522 Xefe de grupo 93.522 Xefe de sección mercantil 92.891 Encargado de establecemento, vendedor, comprador e poxador 92.891 Intérprete 87.423
Persoal mercantil propiamente dito Dependente maior 93.522 Viaxante 92.051 Corredor de praza 87.423 Dependente de 25 anos 91.627 Dependente de 22 a 25 anos 83.639 Axudante 77.759 Traballadores en formación (por 30 horas semanais efectivas, segundo R.D. 1992/1984): -de 16 anos 36.251 -de 17 anos 39.399 -de 18 anos 55.681
Grupo III. Persoal técnico non titulado Director 105.078 Xefe de división 96.673 Xefe administrativo 94.571 Secretario 91.627 Contable 92.891 Xefe de sección administrativa 93.310
Persoal administrativo Contable, caixeiro, taquimecanógrafo 92.891 Oficial administrativo 91.627 Auxiliar administrativo 82.856 Aspirante de 16 anos 48.337 Aspirante de 17 anos 52.536 Auxiliar de caixa de 16 e 17 anos 52.536 Auxiliar de caixa de 18 e 19 anos 74.750 Auxiliar de caixa de 20 a 24 anos 78.953 Auxiliar de caixa de 25 anos ou máis 84.407
Categorías Salario mensual
Grupo IV. Persoal de servicios e actividades auxiliares Xefe de sección ou servicio 93.309 Debuxante 91.597 Escaparatista 91.597 Axudante de montaxe 72.808 Delineante, visitador, rotulista 80.915 Cortador 85.116 Axudante de cortador 80.892 Xefe de taller 83.135 Profesional de oficio de 1ª 82.856 Profesional de oficio de 2ª 79.916 Profesional de oficio de 3ª 79.076 Capataz 82.856 Profesional de oficio axudante 76.831 Mozo especializado 82.856 Ascensorista, telefonista, mozo, empaquetadora, reparadora de medias e cosedora de sacos, maiores de 18 anos. 80.755 As mesmas categorías, con menos de 18 anos, igual que os aspirantes, segundo a súa idade.
Grupo V. Persoal subalterno Conserxe 78.059 Cobrador 78.059 Vixilante, sereno, ordenanza, porteiro 74.750 Persoal de limpeza 74.750 Nota: o persoal de limpeza por horas percibirá o seu salario en proporción ás horas traballadas
8201
