En cumprimento do disposto no artigo 59-4º da Lei 30/1992, do 26 de novembro, de réxime xurídico das administracións públicas e do procedemento administrativo común, notifícaselles ós interesados cos datos e domicilio que a continuación se relacionan e de conformidade co establecido no artigo 30 do texto refundido de VPO, R.D. 2960/1976, do 12 de novembro, e no apartado primeiro do artigo 138 do Regulamento de VPO, Decreto 2114/1968, do 24 de xullo, o requirimento de pagamento dos recibos pendentes e que ascenden ás cantidades que se sinalan.
Por aplicación do artigo 142 do Regulamento de VPO antes citado, en relación co artigo 84 da Lei 30/1992, do 26 de novembro, concédeselles ós interesados un prazo de 10 días hábiles para que se poñan ó día no pagamento ou comparezan en trámite de audiencia na delegación provincial correspondente para os efectos de presentaren os documentos e xustificacións que consideren convenientes para o seu dereito.
Advírteselles que, no caso contrario, se procederá á resolución do seu contrato e á incoación do oportuno expediente de desafiuzamento co conseguinte lanzamento da vivenda, nos casos en que proceda, para a súa posterior adxudicación a outro beneficiario.
Fáiselles constar que se irán incorporando ó total da débeda os posteriores vencementos que resulten impagados e que lles serán reclamados por tódolos medios legais.
-Herdeiros de Luis Alonso Rodríguez
Expte: OR-20-IV/75. Cuenta 85.
Grupo Lonia, bloque C, casa nº 1, portal 1, 3º D.
Ourense.
827.461 ptas.
-Herdeiros de Erundina Rodríguez Mojón.
Expte: OR-80/010. Conta 30.
Grupo Pontenovo, bloque C, casa nº 1, portal 1, 1º I
Ourense.
884.537 ptas.
Santiago de Compostela, 13 de decembro de 1996.
José Antonio Redondo López
Director xeral do Instituto Galego da Vivenda e Solo
9316