Por resolución do Servicio Provincial de estradas da Coruña, delegación provincial da Consellería de Política Territorial, Obras Públicas e Vivenda, de data 9 de abril de 1993, acordouse proceder ó cambio da titularidade do predio 3 dos afectados pola expropiación forzosa feita co gallo da obra de clave: SV-SC-94.1 Intersección da C-543 de Santiago de Compostela a Noia coa de Roxos a Reborido, no termo municipal de Santiago de Compostela.
Polo presente edicto, e en cumprimento do disposto no artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, cítase a Julio González Barros-Vilouta, con último domicilio coñecido na rúa Pisuerga, nº 6, de Madrid como representante da propiedade do citado predio, e a cantas persoas poida afecta-la indicada resolución, co fin de que no prazo de dez días, a partir da publicación deste edicto, poidan comparecer ante o Servicio Provincial de Estradas da Coruña, para os efectos de coñecer, na súa totalidade, o contido da resolución acordada e realizar, se é o caso, as actuacións que consideren procedentes.
A Coruña, 9 de decembro de 1996.
Antonio Fernández Sarasquete
Enxeñeiro xefe
9202