No artigo 28 do vixente Estatuto de autonomía de Galicia, no seu apartado 2º establécese a competencia da Comunidade Autónoma galega sobre o desenvolvemento lexislativo, así como a execución lexislativa do Estado en materia de expropiación forzosa.
As obras indicadas no encabezamento da presente resolución están incluídas no programa de obras que se van realizar con cargo o programa 413-B, de construcción, conservación e explotación de estradas.
O 20 de xuño de 1996 procedeuse á aprobación do proxecto de trazado da obra de acondicionamento, alargamento, mellora e reforzo do firme da estrada C-531 de Xinzo de Limia a Vilagarcía de Arousa, treito Xinzo de Limia-Alto do Furriolo. (Clave: N-OUR-91.3), polo conselleiro de Política Territorial, Obras Públicas e Vivenda.
O do 27 de xuño de 1996, a Xunta de Galicia, procedeu á declaración da utilidade pública e urxente ocupación dos bens e dereitos afectados pola execución do proxecto de acondicionamento, alargamento, mellora e reforzo do firme da estrada C-531 de Xinzo de Limia a Vilagarcía de Arousa, treinto Xinzo de Limia-Alto do Furriolo. (Clave: N-OUR-91.3), polo Decreto 284/1996, publicado no DOG número 138.
Na súa virtude, e en cumprimento do disposto no artigo 52 da vixente Lei de expropiación forzosa do 16 de decembro de 1954 e concordantes do regulamento para a súa aplicación, este servicio no uso das facultades que lle confire o artigo 98 da mencionada Lei de expropiación forzosa, resolveu convoca-los titulares de bens e dereitos afectados que figuran no taboleiro da casa dos concellos de Xinzo de Limia, Sandiás, Vilar de Santos, Rairiz de Veiga e A Bola, para os efectos previstos no mencionado artigo 52 e sinala-la data, os lugares e horas que de seguido se citan, para proceder ó levantamento das actas previas á ocupación que recollan os datos necesarios para determina-los dereitos afectados, o
valor destes, e os prexuízos derivados da rápida ocupación, sen prexuízo de se trasladar ó lugar dos predios se se considera preciso.
Lugar do levantamento das actas previas: Casa do Concello de Xinzo de Limia.
Data Hora Núm. predios
13-1-1997 9 a 13 1 ó 30
13-1-1997 16 a 19 31 ó final
Lugar do levantamento das actas previas: Casa do Concello de Sandiás.
Data Hora Núm. predios
14-1-1997 9 a 13 1 ó 50
14-1-1997 14 a 19 51 ó final
Lugar do levantamento das actas previas: Casa do Concello de Vilar de Santos.
Data Hora Núm. predios
15-1-1997 9 a 13 1 ó 20
15-1-1997 16 a 19 21 ó 70
16-1-1997 9 a 13 71 ó 100
16-1-1997 16 a 19 101 ó final
Lugar do levantamento das actas previas: Casa do Concello de Rairiz de Veiga.
Data Hora Núm. predios
17-1-1997 9 a 13 1 ó 20
17-1-1997 16 a 19 21 ó 70
20-1-1997 9 a 13 71 ó 100
20-1-1997 16 a 19 101 ó final
Lugar do levantamento das actas previas: Casa do Concello da Bola.
Data Hora Núm. predios
21-1-1997 9 a 13 1 ó 19
Ó devandito acto deberán acudi-los titulares afectados persoalmente ou ben representados por persoas debidamente autorizadas para actuar no seu nome, aportando os documentos acreditativos de titularidade, DNI e o último recibo da contribución, podéndose acom
pañar, á súa custa, se o coida preciso, dos seus peritos e notario.
Así mesmo e en cumprimento do establecido no artigo 56 do regulamento da Lei de expropiación forzosa, ábrese información pública durante un prazo de 15 días ou, en todo caso, ata a momento do levantamento das actas previas á ocupación correspondente co fin de que os interesados poidan formular por escrito diante deste Servicio Provincial de Estradas da Xunta de Galicia en Ourense, rúa Sáenz Díez número 1, as alegacións que coiden oportunas co obxeto de emendar posibles erros padecidos ó relaciona-los bens afectados por urxente ocupación.
Ourense, 4 de decembro de 1996.
José Manuel González Sánchez
Xefe do Servicio de Estradas de Ourense
9252
