Adoptado acordo polo Consello da Xunta de Galicia na súa reunión do día vinteún de novembro de 1996, relativo á adxudicación provisional de catro emisoras en ondas métricas con modulación de frecuencia para a súa explotación polas corporacións locais, resulta necesario darlle publicidade ó devandito acordo, unha vez cumprido-los requisitos que se determinan no Decreto 156/1989, do 27 de xullo, modificado parcialmente polo Decreto 35/1992, do 6 de febreiro, que regula o procedemento de concesión de emisoras de radiodifusión sonora en ondas
métricas con modulación de frecuencia, e de acordo coa Orde do 25 de febreiro de 1992 (DOG nº 50, do 12 de marzo), que abre o prazo de presentación de solicitudes con esta finalidade.
En consecuencia,
RESOLVO:
Ordena-la publicación no Diario Oficial de Galicia do acordo do Consello da Xunta de Galicia, adoptado na súa reunión do 21 de novembro de 1996, polo que se adxudican provisionalmente 4 emisoras de radiodifusión sonora para a súa explotación polos respectivos concellos, texto que figura no anexo á presente resolución.
Santiago de Compostela, 27 de novembro de 1996.
José Manuel Soto Vázquez
Director Xeral de Medios de Comunicación Social e Audiovisual
Anexo á Resolución do 27 de novembro de 1996
O Consello da Xunta de Galicia, na súa reunión do día vinteún de novembro de mil novecentos noventa e seis adoptou, entre outros, o seguinte acordo:
«De conformidade co establecido na Lei 11/1991, do 8 de abril, de organización e control das emisoras municipais de radiodifusión sonora, no Decreto 156/1989, do 27 de xullo (DOG nº 151, do 8 de agosto), modificado parcialmente polo Decreto 35/1992, do 6 de febreiro (DOG nº 27, do día 10 do mesmo mes), que regulan o procedemento de concesión de emisoras de radiodifusión sonora en ondas métricas con modulación de frecuencia, na orde da Consellería da Presidencia e Administración Pública, do 25 de febreiro de 1992 (DOG nº 50, do 12 de marzo seguinte), e demais normativa estatal e autonómica, o Consello da Xunta de Galicia, por proposta do conselleiro de Cultura e Comunicación Social, acorda adxudicar, con carácter provisional, a explotación dunha emisora de radiodifusión sonora en ondas métricas con modulación de frecuencia a cada un dos concellos que se relacionan no anexo adxunto, con expresión das características que corresponden a cada unha das emisoras.
O outorgamento das concesións, que habilitarán para a posta en funcionamento das correspondentes emisoras, estará supeditado á aprobación previa do proxecto técnico, á realización das obras e instalacións correspondentes, así como á posterior inspección e autorización da posta en funcionamento.
A Consellería de Cultura e Comunicación Social adoptará as medidas necesarias para a execución do presente acordo, de conformidade coas funcións que lle outorga o artigo 2º do Decreto 212/1996, do 6 de xuño, que modifica parcialmente a estructura orgánica da Xunta de Galicia».
Anexo do acordo do Consello da Xunta de Galicia, polo que se adxudican provisionalmente catro emisoras de radiodifusión sonora en ondas métricas con modulación de frecuencia, para a súa explotación polas corporacións locais.
Prov. Concello F(Mhz) Lonx. Lat. Cota HEFM PRAW P D
C Touro 91.8 8W1826 42N5204 325 37.5 50 M N OU O Carballiño 107.4 8X0436 42N2550 397 37.5 150 M N OU Xunqueira de Ambía 107.3 7W4402 42N1220 534 37.5 50 M N PO Valga 107.9 8W3849 42N4203 35 37.5 50 M N
9002