Visto o expediente para outorgamento de autorización administrativa, declaración de utilidade
pública e aprobación do proxecto da instalación eléctrica que a continuación se detalla:
Solicitante: Unión Eléctrica-Fenosa, S.A.
Enderezo social: Sáenz Díez, 95-Ourense.
Denominación: L.M.T. Meixide-Pena Couto.
Situación: Chantada.
Características técnicas: liñas de media tensión a 20 kV, en conductor LA-56 de 54,6 mm Al, con apoios de formigón cunha lonxitude de 2.779 metros a L.M.T. Meixide-Pena Couto; 270 metros a L.M.T. a C.T. de Airoa e 443 metros a L.M.T:, a C.T. Meixide, para mellora do servicio eléctrico en Meixide-Pena Couto, no concello de Chantada.
Orzamento: 10.395.000 pesetas.
Cumpridos os trámites ordenados nos capítulos III e IV dos decretos 2617 e 2619/1966, do 20 de outubro, sobre autorización e expropiación forzosa das instalacións eléctricas, esta delegación provincial resolveu:
Autorizar, declarar de utilidade pública e aproba-lo proxecto de execución das devanditas instalacións, cunhas características que se axustarán en tódalas súas partes ás que figuran nel e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan nos expedientes.
Lugo, 11 de novembro de 1996.
Jesús Bendaña Suárez
Delegado provincial de Lugo
96-9067