A Dirección Xerencia de Atención Primaria de Ourense, en virtude das atribucións que lle foron delegadas conforme o establecido no artigo 7 da Orde do 22 de maio de 1996 (DOG nº 111, do 6 de xuño) da Consellería de Sanidade e Servicios Sociais, convoca o seguinte concurso público polo procedemento aberto e con carácter de urxencia.
Obxecto e orzamento: a contratación do servicio de limpeza nos centros de saúde de Ribadavia e Allariz, por un orzamento de licitación á totalidade dos lotes (centros) de oito millóns duascentas noventa e catro mil oitocentas sesenta e oito (8.294.868) pesetas, IVE incluído.
Os licitadores poderán concorrer a un ou os dous lotes nos que se divide o obxecto do contrato.
Forma de adxudicación: procedemento aberto mediante concurso público polo trámite de urxencia.
Prazo de execución: será desde o 1 de xaneiro ata o 31 de decembro de 1997.
Documentos de interese para os licitadores: o prego de cláusulas administrativas e demais documentación complementaria poden ser solicitados na sede da Xerencia de Atención Primaria en Ourense, sita na Avda. de Zamora, 13-3ª planta, (subministracións), teléfono: (988) 38 64 37, fax: (988) 38 64 50, tódolos días laborables, agás sábados, durante as horas hábiles de oficina.
Fianzas:
-Provisional, do 2% do importe de licitación correspondente ó lote/s a que se concorra. Deberá ser depositada previamente á licitación nalgunha das formas que establece o artigo 36 da Lei 13/1995, de contratos das administracións públicas. No caso de ser constituída mediante aval, será suficiente a inclusión da póliza de entidade financeira pola que se formalice o aval.
-Definitiva, do 4% do orzamento de licitación correspondente ó lote/s dos que resulte adxudicatario.
Solvencia económica y financeira: acreditarase por algún dos medios indicados no artigo 16 da Lei 13/1995, de contratos das administracións públicas.
Solvencia técnica: acreditarase por algún dos medios indicados no artigo 19 da Lei 13/1995, de contratos das administracións públicas.
Criterios de adxudicación:
1. Número de horas de limpeza: ata 10 puntos.
2. Prezo ofertado: ata 8 puntos.
3. Sistema previsto para o mantemento do servicio nos horarios de gardas: ata 6 puntos.
4. Materiais, útiles e maquinarias que hai que empregar: ata 3 puntos.
Presentación das proposicións: as proposicións deberán presentarse en man, en sobres pechados e asinados polo licitador ou persoa que o represente, no Rexistro da Xerencia de Atención Primaria, antes das 14 horas do décimo terceiro día natural contado a partir do seguinte ó da publicación desta resolución no DOG, ou enviadas por correo dentro de prazo sinalado.
Cando as proposicións se envíen por correo, o licitador deberá xustifica-la data de imposición do envío na oficina de correos e anunciarlle ó órgano de contratación a remisión da oferta mediante fax (988) 38 64 50, ou telegrama no mesmo día; de
recibirse a oferta pasados 10 días naturais da data de finalización do prazo de presentación, esta non será aceptada.
Apertura das proposicións: terá lugar na sala de xuntas da Xerencia de Atención Primaria de Ourense, a partir das 10 horas do décimo primeiro día natural contado a partir do seguinte ó que finalice o prazo de presentación das ofertas. No caso de que o devandito día coincida en sábado ou festivo, a apertura das proposicións terá lugar no seguinte día hábil.
Documentación que deberán xunta-los licitadores: os documentos que figuran na cláusula 8ª do prego de cláusulas administrativas particulares.
Anuncios: o pagamento dos anuncios do presente concurso público correrá por conta do/s adxudicatario/s do contrato.
Ourense, 22 de novembro de 1996.
Manuel de Toro Santos
Director xerente de Atención Primaria de Ourense
8979
