Con data do 29 de novembro de 1996 esta consellería autorizou a convocatoria dun concurso aberto para a contratación para o período do 1 de xaneiro ata o 30 de xuño de 1997 de diversos servicios de transporte escolar nas provincias da Coruña, Lugo, Ourense e Pontevedra por un importe total de 230.005.008 pesetas.

-Orzamento de licitación: 230.005.008 pesetas, segundo a seguinte desagregación:

-Provincia da Coruña: 104.960.016 pesetas.

-Provincia de Lugo: 70.681.680 pesetas.

-Provincia de Ourense: 13.445.676 pesetas.

-Provincia de Pontevedra: 40.917.636 pesetas.

-Prazo de execución: do 1 de xaneiro ata o 30 de xuño de 1997.

-Clasificación requirida: ningunha.

-Os pregos de cláusulas administrativas particulares e prescricións técnicas estarán de manifesto na secretaría xeral desta consellería, edificio administrativo 2, San Caetano, Santiago de Compostela, durante o prazo de presentación de proposicións, desde as 10 horas ás 14 horas. Tamén se poderán examinar nas delegacións provinciais da Consellería de Educación e Ordenación Universitaria, correspondentes.

-Prazo de presentación de proposicións: comezará o día seguinte ó da publicación da presente resolución no Diario Oficial de Galicia e rematará o día 20 de decembro de 1996 ás 13 horas.

-Lugar de presentación de proposicións: no rexistro xeral desta consellería, edificio administrativo 2, San Caetano, Santiago de Compostela. En canto ás proposicións por correo haberá que aterse ó disposto na cláusula 8.2 do prego de cláusulas administrativas particulares.

-Documentación que presentarán os licitadores: a especificada nas cláusulas 8.1, 8.3, 8.4, 8.5 e 8.6 do prego de claúsulas administrativas particulares.

-Exame da documentación administrativa e técnica: o día 23 de decembro de 1996, a mesa de contratación cualificará as documentacións presentadas e publicará a continuación no taboleiro de anuncios desta consellería, o resultado da dita cualificación, co fin de que se emenden no prazo de 48 horas os defectos materiais osbervados na dita documentación.

-Apertura de proposicións económicas: realizaraa a mesa de Contratación o día 27 de decembro de 1996, ás 9 horas, na sala de xuntas desta consellería.

Santiago de Compostela, 29 de novembro de 1996.

P.D. (Orde 21-6-1996)

Máximo García Serrano

Secretario xeral da Consellería de Educación e Ordenación Universitaria

7936