Aprobación definitiva do plan parcial do solo A-1.1 en desenvolvemento do PAU aprobado para a programación do solo A.1.1 do Vao.
O Pleno da Corporación, en sesión do 26-9-1996, acordou aprobar definitivamente o proxecto refundido do plan parcial redactado polos arquitectos José A. e Ignacio Hermo Túñez, con visado da delegación en Pontevedra do Colexio Oficial de Arquitectos de Galicia do 19-7-1996, en desenvolvemento do programa de actuación urbanística, aprobado por orde do conselleiro de Ordenación do Territorio e Obras Públicas da Xunta de Galicia do 14-7-1995, instrumentos urbanísticos confeccionados como consecuencia do convenio formalizado entre este concello e a sociedade Granja del Bao, S.A., coa finalidade de programar e ordena-lo ámbito territorial do solo A-1.1 do vixente PXOU, dispoñéndose a notificación e comunicación ós particulares e organismos interesados e a publicación das ordenanzas ou normas do BOP coa finalidade de consegui-la súa executividade nos termos da lexislación de réxime local.
O que se fai público para a súa executividade, subliñándose que contra este acordo, que esgota a vía administrativa, poderá interpoñerse recurso contencioso-administrativo perante a Sala do Contencioso-Administrativo do Tribunal Superior de Xustiza de Galicia no prazo de dous meses computados a partir do día seguinte a esta publicación, logo de comunicación ó órgano que dictou o acto impugnado, e isto sen prexuízo de que se poida exercitar, se é o caso, calquera outro recurso que se estime procedente.
Pontevedra, 29 de outubro de 1996.
Juan Luis Pedrosa Fernández
Alcalde
Julio Dapena Outomuro
Secretario xeral