De conformidade co establecido no título quinto da Lei 11/1983, do 25 agosto e o artigo 2.4º do Real decreto 1888/1984, do 26 de setembro, este rectorado resolveu convocar concurso para as prazas que se relacionan no anexo I da presente resolución, de acordo coas seguintes bases:
Primeira.-Os ditos concursos rexeranse polo disposto na Lei orgánica 11/1983, do 25 de agosto (BOE do 1 de setembro); Real decreto 1888/1984, do 26 de setembro (BOE do 26 de outubro), modificado parcialmente polo Real decreto 1427/1986, do 13 de xuño; Orde do 28 de decembro de 1984 (BOE do 16 de xaneiro de 1985) e, no non previsto, pola lexislación xeral de funcionarios civís do Estado, e tramitaranse independentemente para cada unha das prazas convocadas.
Segunda.-Para ser admitido ós citados concursos os solicitantes deberán reuni-los seguintes requisitos xerais:
a) Ser español. Non obstante, poderán participar en idénticas condicións cos españois:
-Os nacionais dos demais estados membros da Unión Europea logo de acredita-la nacionalidade consonte o disposto na Lei 17/1993, do 23 de decembro, sobre o acceso a determinados sectores da función pública dos nacionais dos demais Estados membros da Unión Europea e demais normativa de desenvolvemento.
-Trala acreditación, os nacionais daqueles estados ós que en virtude de tratados internacionais subscritos pola Unión Europea e ratificados por España, lles sexa aplicable a libre circulación de traballadores nos termos en que esta está definida no Tratado Constitutivo da Unión Europea.
b) Ter cumpridos os dezaoito anos de idade e non ter cumprido os setenta anos.
c) Non ter sido separado do servicio de ningunha Administración pública en virtude de expediente disciplinario nin encontrarse inhabilitado por sentencia firme para o acceso e exercicio da función pública.
d) Non padecer enfermidade nin defecto físico o psíquico que impida o desempeño das funcións correspondentes a profesor de universidade.
Terceira.-Deberán reunir ademais as condicións específicas que se sinalan no artigo 4.1º ou 4.2º do Real decreto 1888/1984, do 26 de setembro, segundo a categoría da praza, e, de se-lo caso, titulación suficiente debidamente recoñecida polo Ministerio de Educación e Ciencia para o exercicio profesional en España como profesor universitario.
Cando estando en posesión do título de doutor, se concorra a prazas de catedrático de universidade, conforme o previsto no artigo 4.1ºc) do Real decreto 1888/1984, do 26 de setembro, e non se pertenza a ningún dos corpos que no mesmo se sinalan, os interesados deberán acreditar estar eximidos de tales requisitos dentro do prazo fixado para solicita-la participación no concurso.
Non poderá concursar a prazas de profesor titular de universidade quen estivera contratado durante máis de dous anos como axudante nesta universidade, agás as excepcións previstas no artigo 37.4º da Lei 11/1983, do 25 de agosto (BOE do 1 de setembro), de reforma universitaria.
Cuarta.-Quen desexe tomar parte no concurso, remitirá a correspondente solicitude ó rector da Universidade de Vigo, por calquera dos procedementos establecidos na Lei 30/1992, do 26 de novembro (BOE do 27) de réxime xurídico das administracións públicas e do procedemento administrativo común, no prazo de vinte días hábiles a partir do día seguinte a aquel no que teña lugar a publicación desta convocatoria no Boletín Oficial del Estado, mediante instancia, segundo o modelo do anexo II, debidamente cuberta, xunto cos documentos que acrediten reuni-los requisitos para participar no concurso. A concorrencia de ditos requisitos deberá estar referida sempre a unha data anterior á de expiración do prazo fixado para solicita-la participación no concurso.
Os aspirantes deberán xustificar ter aboadas 9.180 pesetas en concepto de inscrición na conta da Universidade de Vigo 0040225994 de Caixavigo, (oficina principal, rúa García Barbón , 1-3) epígrafe -outros ingresos-, achegando coa súa solicitude resgardo acreditativo do ingreso realizado, onde conste referencia a esta convocatoria.
Quinta.-Finalizado o prazo de presentación de solicitudes, o rector da universidade, por calquera dos procedementos establecidos na Lei 30/1992, de réxime xurídico das administracións públicas e do procedemento administrativo común, remitirá a tódolos aspirantes relación completa de admitidos e excluídos, con indicación das causas de exclusión. Contra esta resolución os interesados poderán presentar reclamación perante o rector no prazo de quince días hábiles a contar desde o seguinte ó da notificación da relación de admitidos e excluídos.
Sexta.-O presidente da comisión, dentro do prazo habilitado regulamentariamente para a súa constitución, dictará unha resolución que deberá ser notificada a tódolos interesados cunha antelación mínima de quince días naturais respecto da data do acto para o que se cita, convocando a:
a) Tódolos membros titulares da Comisión e, de se-lo caso, ós suplentes necesarios para efectua-lo acto de constitución da mesma.
b) Tódolos aspirantes admitidos a participar no concurso, para realiza-lo acto de presentación dos concursantes e con sinalamento da data, hora e lugar de celebración do dito acto.
Sétima.-No acto de presentación os concursantes entregarán ó presidente da comisión a documentación sinalada nos artigos 9 e 10 do Real decreto 1888/1984, de 26 do setembro, modificado polo Real decreto 1427/1986, de 13 de xuño, segundo se trate de concurso ou concurso de méritos.
Oitava.-Os candidatos propostos para a provisión das prazas deberán presentar na secretaría xeral da universidade no prazo de quince días hábiles seguintes ó de conclusión da actuación da comisión, por calquera dos medios sinaladas no artigo 38.4º da Lei de réxime xurídico das administracións públicas e do procedemento administrativo común, os seguintes documentos:
a) Fotocopia do documento nacional de identidade ou documento equivalente de ser nacional dun Estado membro da Unión Europea.
b) Certificación médica oficial de non padecer enfermidade nin defecto físico o psíquico para o desempeño das funcións correspondentes a profesor de universidade.
c) Declaración xurada de non ter sido separado de ningunha Administración pública en virtude de expediente disciplinario e non atoparse inhabilitado para o acceso e exercicio da función pública.
Os que tiveren a condición de funcionarios públicos de carreira estarán exentos de xustificar ditos docu
mentos e requisitos, debendo presentar certificación do ministerio u organismo do que dependan, acreditativa da condición de funcionarios e cantas circunstancias consten na folla de servicios.
Vigo, 8 de novembro de 1996.
José Antonio Rodríguez Vázquez
Rector da Universidade de Vigo
ANEXO I
Universidade de Vigo
Número de prazas: 1.
Praza número: 55/1996.
Corpo ó que pertence a praza: profesores titulares de universidade.
Área de coñecemento á que corresponde: teoría do sinal e Comunicacións.
Departamento ó que está adscrita: Tecnoloxías das Comunicacións.
Actividades a realizar por quen obteña a praza: docencia en campos electromagnéticos e sistemas de Comunicacións vía satélite.
Clase de convocatoria: concurso.
Número de prazas: 1.
Praza número: 56/1996.
Corpo ó que pertence a praza: profesores titulares de universidade.
Área de coñecemento á que corresponde: teoría do sinal e Comunicacións.
Departamento ó que está adscrita: Tecnoloxías das Comunicacións.
Actividades a realizar por quen obteña a praza: docencia en teorías das comunicacións e fundamentos de comunicacións dixitais.
Clase de convocatoria: concurso.
Número de prazas: 1.
Praza número: 57/1996.
Corpo ó que pertence a praza: profesores titulares de universidade.
Área de coñecemento á que corresponde: teoría do sinal e comunicacións.
Departamento ó que está adscrita: Tecnoloxías das comunicacións.
Actividades a realizar por quen obteña a praza: docencia en electroacústica e enxeñería acústica.
Clase de convocatoria: concurso.
Número de prazas: 1.
Praza número: 58/1996.
Corpo ó que pertence a praza: profesores titulares de universidade.
Área de coñecemento á que corresponde: filoloxía española.
Departamento ó que está adscrita: Filoloxía Española, Teoría da Literatura e Lingüística Xeral.
Actividades a realizar por quen obteña a praza: docencia en literatura española: século de ouro.
Clase de convocatoria: concurso.
Número de prazas: 1.
Praza número: 59/1996.
Corpo ó que pertence a praza: profesores titulares de universidade.
Área de coñecemento á que corresponde: filoloxía inglesa.
Departamento ó que está adscrita: Filoloxía Inglesa e Alemana.
Actividades a realizar por quen obteña a praza: docencia en historia da literatura inglesa.
Clase de convocatoria: concurso.
Número de prazas: 1.
Praza número: 60/1996.
Corpo ó que pertence a praza: profesores titulares de universidade.
Área de coñecemento á que corresponde: bioloxía vexetal.
Departamento ó que está adscrita: Recursos Naturais e Medio Ambiente.
Actividades a realizar por quen obteña a praza: docencia en biodiversidade de plantas non vasculares.
Clase de convocatoria: concurso.
Número de prazas: 1.
Praza número: 61/1996.
Corpo ó que pertence a praza: profesores titulares de universidade.
Área de coñecemento á que corresponde: química orgánica.
Departamento ó que está adscrita: Química Pura e aplicada.
Actividades a realizar por quen obteña a praza: docencia en materias propias da área.
Clase de convocatoria: concurso.
Número de Prazas: 1.
Praza número: 62/1996.
Corpo ó que pertence a praza: profesores titulares de escolas universitarias.
Área de coñecemento á que corresponde: teoría do sinal e comunicacións.
Departamento ó que está adscrita: Tecnoloxías das Comunicacións.
Actividades a realizar por quen obteña a praza: docencia en sínteses de circuítos eléctricos e electrónicos.
Clase de convocatoria: concurso.
96-8935
