O Decreto 89/1993, do 19 de abril, regulou a autorización de libros de texto e doutros materiais curriculares para as ensinanzas de réxime xeral, así como o seu uso nos centros docentes.
O devandito decreto estableceu como elemento fundamental do proceso de autorización a presentación do proxecto editorial e definiu as condicións que este ten de reunir para a súa aprobación.
A Orde do 15 de novembro de 1994 desenvolve o devandito decreto, concretando a documentación que debe acompaña-la solicitude de autorización e precisando os termos nos que os libros de texto e os materiais curriculares, sempre que se axusten ó proxecto editorial aprobado, farán consta-la autorización.
En virtude das mencionadas normas,
DISPOÑO:
Artigo 1º
Quedan autorizados os proxectos editoriais supervisados que se mencionan no anexo da presente orde, así como o uso, nos centros docentes públicos e privados da comunidade autónoma, dos libros de texto e dos correspondentes materiais curriculares nos que se concretan os devanditos proxectos.
Artigo 2º
Os libros de texto e materiais curriculares resultantes do proxecto editorial mencionado farán consta-la autorización nos termos establecidos na dita Orde do 15 de novembro de 1994.
A presente orde entrará en vigor a partir do día seguinte ó da súa publicación.
Santiago de Compostela, 28 de outubro de 1996.
Celso Currás Fernández
Conselleiro de Educación e Ordenación Universitaria
ANEXO
Relación dos proxectos editoriais supervisados
Editorial Proxecto
Alhambra Longman -Proxecto editorial «Look Ahead 3 & 4» da materia lingua estranxeira: inglés para o 1º e 2º cursos de bacharelato. Burlington Books -Proxecto editorial «Themes for Bachillerato» da materia lingua estranxeira: inglés para o 1º e 2º cursos de bacharelato. Donostiarra -Proxecto editorial «Debuxo técnico» da materia debuxo técnico para o 2º curso de bacharelato. McGraw-Hill/Interamericana de España -Proxecto editorial «Economía» da materia economía para o 1º curso de bacharelato.-Proxecto editorial «Educación Física» da materia educación física para o 1º curso de bacharelato.-Proxecto editorial «Latín» da materia latín para o 1º curso de bacharelato. Oxford University Press -Proxecto editorial «New Headway English Course Intermediate» da materia de lingua estranxeira: inglés para o 1º curso de bacharelato. Edicións Xerais de Galicia, S.A. -Proxecto editorial «Ética e filosofía do dereito» da materia ética e filosofía do dereito para o 1º curso de bacharelato.
8642