Por acordo do Pleno do Concello de data do 17 de setembro pasado modificáronse as bases particulares para a cobertura de dúas prazas de garda da policía local do Concello de Gondomar publicadas no BOP número 113, do 13 de xuño de 1996, e no DOG número 143, do 22 de xullo de 1996. Os aspectos que se modificaron foron os seguintes:
-Suprímese a fase de concurso sendo o procedemento selectivo o de oposición libre.
-Entre os requisitos específicos exísese ter unha estatura de alomenos 1,70 metros os homes e 1,65 metros as mulleres.
-Engadir á documentación que deben presentar xunto coa solicitude unha declaración xurada co compromiso de portar armas e, se é o caso, chegar a utilizalas no caso de resultar seleccionado máis un certificado médico no que se faga constar expresamente que o aspirante reúne as condicións físicas e sanitarias necesarias e suficientes para a realización dos exercicios físicos que figuran especificados na correspondente proba da oposición.
-Especificar nas bases que, con carácter previo ó comezo das probas, se realizará a práctica de control e estatura e demais medidas antropométricas e o sorteo para determina-la orde de actuación dos aspirantes naquelas probas que non se efectúen conxuntamente.
Xa que logo, ábrese novamente o prazo para presenta-las solicitudes de participación na correspondente oposición, de vinte días naturais a partir da publicación do correspondente anuncio no Boletín Oficial del Estado.
Gondomar, 17 de setembro de 1996.
Ramón Sestelo Fernández
Alcalde
8750