Esta delegación provincial en virtude do disposto na Orde 22 de maio de 1996, sobre delegación de atribucións nos órganos centrais e periféricos da Consellería de Sanidade e Servicios Sociais, unha vez cumpridos os trámites administrativos correspondentes, resolve anunciar concurso, por procedemento aberto e trámite de urxencia, para a contratación dos seguintes servicios de cafeterías, perruquerías e podoloxía:

Servicio de cafeterías.

* Prezo mínimo de explotación: 12.000 ptas. (doce mil pesetas) anuais:

-Centro social de Baiona.

-Centro social do Calvario.

-Centro social de Rivera Atienza.

-Centro social de Tui.

-Residencia da 3ª idade de Campolongo.

-Residencia da 3ª idade do Meixoeiro.

Servicio de perruquerías.

* Prezo mínimo de explotación: 6.000 ptas. (seis mil pesetas) anuais:

-Fogar da 3ª idade de Pontevedra: perruquería de cabaleiros.

-Fogar da 3ª idade de Redondela: perruquería de cabaleiros.

-Fogar da 3ª idade de Vigo: perruquería de cabaleiros.

-Residencia 3ª idade de Meixoeiro: perruquería donas e cabaleiros.

-Centro social de Vilagarcía de Arousa: perruquería donas e cabaleiros.

-Centro social do Porriño: perruquería donas e cabaleiros.

Servicio de podoloxía.

* Prezo mínimo de explotación: 6.000 ptas. (seis mil pesetas) anuais:

-Fogar 3ª idade de Pontevedra.

-Fogar 3ª idade de Vigo.

-Centro social de Ponteareas.

-Centro social de Baiona.

-Centro social de Vilagarcía de Arousa.

-Residencia 3ª idade Meixoeiro.

1. Exposición de documentación: os pregos de cláusulas administrativas particulares e demais documentación técnica poderá ser examinada nas delegacións provinciais da Consellería de Sanidade e Servicios Sociais das 10 ás 14 horas nos días hábiles.

2. As propostas económicas axustaranse ó modelo que figura unido como anexo ó prego de cláusulas administrativas.

3. Lugar: a presentación de propostas farase no rexistro da Delegación Provincial de Pontevedra ou nas súas dependencias en Vigo, avenida Cánovas del Castillo s/n, en sobres pechados ou por correo con xustificación da data de imposición e a comunicación o mesmo día ó órgano de contratación mediante telegrama ou telefax.

4. Prazo de presentación de propostas: comezará o día seguinte ó da publicación da presente resolución no Diario Oficial de Galicia e rematará ós 15 días hábiles ás 14 horas.

5. Apertura de propostas: será realizada pola mesa de contratación o sétimo día natural seguinte ó do final do prazo de pesentación de propostas na sala de xuntas da Delegación Provincial de Pontevedra nas súas dependencias de Vigo avenida Cánovas del Castillo s/n ás 10 horas en acto público.

Se coincidise ese día en sábado ou festivo, reunirase o primeiro día hábil seguinte.

6. Documentación que presentaran os licitadores: a esixida na cláusula 5 do prego de cláusulas administrativas particulares.

7. O pagamento deste anuncio será por conta do adxudicatario.

Vigo, 15 de novembro de 1996.

P.D. (Orde 22-5-1996)

Jorge García-Borregón Millán

Delegado provincial de Pontevedra

8329