Ó amparo do disposto no capítulo II do Decreto 205/1995, de 6 de xullo, polo que se regula o aproveitamento da enerxía eólica na Comunidade Autónoma de Galicia, Iberdrola Ingeniería y Consultoría, S.A. con domicilio social na rúa Santiago de Compostela 100, 28035 Madrid, solicitou a aprobación do plan eólico estratéxico denominado P.E.E. Iberinco, onde se recolle o programa de actuacións para desenvolver por un período de 8 anos, cun investimento global estimado de 16.900 millóns de pesetas.

Para os efectos previstos no apartado 2º do artigo 5 do citado Decreto 205/1995, de 6 de xullo, a solicitude presentada publicouse no DOG de data 6 de setembro de 1995 e BOE de data 9 de setembro de 1995, presentándose solicitudes en competencia por Gamesa e Unión Fenosa Energías Especiales, S.A.

Considerando que, no informe técnico realizado pola Dirección Xeral de Industria para a resolución da competencia presentada se seguiron os seguintes criterios de avaliación dos planes eólicos afectados:

-Planificación enerxética.

-Estudio contrastado dos datos eólicos existentes.

-Viabilidade económica dos plans.

-Aportación tecnolóxica e efectos industriais dos plans.

Considerando que a Consellería de Industria e Comercio da Xunta de Galicia é competente para a aprobación do plan eólico estratéxico que se solicita, con base no Estatuto de autonomía de Galicia; no Real decreto 2563/1982, de 24 de xullo, sobre traspaso de funcións e servicios da Administración do Estado á Comunidade Autónoma de Galicia; no Decreto 132/1982, do 4 de novembro, sobre asunción de competencias en materia de industria, enerxía e minas; ó Decreto 209/1990, de 15 de marzo, en relación coa Lei 40/1994, do 30 de decembro, de ordenación

do sistema eléctrico nacional e o Decreto 205/1995, do 6 de xullo e por proposta da Dirección Xeral de Industria,

RESOLVO:

Aproba-lo plan eólico estratéxico PEE Iberinco referido ás áreas recollidas no anexo I da presente resolución, cunha previsión de potencia de 120 mW.

A presente resolución implica o outorgamento do dereito de investigación nas áreas de referencia, así como o dereito preferente, nas citadas áreas, á autorización das instalacións de aproveitamento de enerxía eólica, conforme o sinalado no artigo 8 do Decreto 205/1995, do 6 de xullo.

A aprobación do plan eólico estratéxico vincula á Administración e a Iberdrola Ingeniería y Consultoría, S.A. sen prexuízo das futuras resolucións que se adopten para o suposto de non exercita-lo dereito preferencial previsto no artigo 8 do citado Decreto 205/1995, de 6 de xullo.

A aprobación do plan eólico estratéxico outórgase de conformidade coas seguintes condicións:

Primeira.-Iberdrola Ingeniería y Consultoría, S.A., realizará a investigación de 6 áreas, cun investimento total de 26.000.000 de pesetas, debendo presentar un informe trimestral á Dirección Xeral de Industria dos datos obtidos nas áreas de investigación.

Segunda.-Iberdrola Ingeniería y Consultoría, S.A. iniciará a execución do plan industrial en xullo de 1996, debendo executa-lo dito planeamento nas condicións sinaladas no anexo II da presente resolución, salvo imposibilidades técnicas ou causa de forza maior debidamente xustificada.

En calquera momento poderá a Administración solicita-la documentación que estime pertinente en aras de verifica-lo cumprimento do establecido neste apartado.

Terceira.-A modificación do plan eólico estratéxico ou o incumprimento das condicións impostas nesta resolución e na autorización para a montaxe das instalacións será causa de resolución da presente aprobación.

Sen embargo, se por alteración substancial das circunstancias ou por outras causas sobrevidas, non fose

axeitado o mantemento dalgunha ou algunhas das instalacións previstas no plan eólico estratéxico que se aproba, a empresa poderá solicitar da Consellería de Industria e Comercio da Xunta de Galicia:

1. Autorización para a modificación ou substitución das actuacións, sen altera-las restantes condicións do plan eólico estratéxico que será outorgada pola Dirección Xeral de Industria, ou ben,

2. A aprobación dun novo plan eólico estratéxico para novas instalacións, se a importancia dos investimentos así o xustifican, tendo en conta sempre os dereitos que terceiros interesados poidan ter.

Cuarta.-Iberdrola Ingeniería y Consultoría, S.A. poderá transferir en calquera momento os dereitos dimanantes da presente aprobación logo de autorización da Consellería de Industria e Comercio da Xunta de Galicia, subrogándose o novo titular en tódalas obrigras e dereitos do transmitente derivados do plan eólico aprobado.

Quinta.-Esta aprobación outórgase sen prexuízo de terceiros, deixando a salvo os dereitos particulares e independentemente das autorizacións, licencia ou permisos de competencia municipal, provincial ou outros necesarios para a realización das obras das instalacións de aproveitamento eólico.

Contra a presente resolución, que é definitiva en vía administrativa, poderá interpoñerse, se é o caso, recurso contencioso-administrativo no prazo de dous meses contados a partir do día seguinte á súa publicación, logo de comunicación a esta consellería, conforme o establecido no artigo 57.2º da Lei reguladora da xurisdición contencioso-administrativa, do 27 de decembro de 1956 na súa nova redacción dada pola disposición adicional décimo primeira da Lei 30/1992, de 26 de novembro.

Santiago de Compostela, 23 de setembro de 1996.

Antonio Couceiro Méndez

Conselleiro de Industria e Comercio

ANEXO I

Iberdrola

ANEXO II

Documento de síntese

-Plan eólico estratéxico.

O plan eólico estratéxico terá unha duración de 10 anos e suporá un investimento global estimado de 16.500 millóns de ptas.

-Plan de investigación eólica.

A empresa Iberdrola Ingeniería y Consultoría, S.A. realizará a investigación de 6 áreas facendo un investimento total de 26.000.000 de ptas., acadando un investimento medio de 4.333.333 ptas./ano área.

Iberdrola Ingeniería y Consultoría, S.A. usará como entidade colaboradora para a investigación á empresa galega Gestenga, debendo non obstante presentar un informe trimestral á Consellería de Industria e Comercio dos datos obtidos nas áreas de investigación.

-Plan industrial.

A empresa Iberdrola Ingeniería y Consultoría, S.A., participará na execución do plan industrial que teña/n aprobado o/os tecnólogo/s seleccionado/s. En todo caso, a porcentaxe de compoñentes fabricados en Galicia será a do/os tecnólogo/s que seleccione/n. A selección do/os tecnólogo/s, deberá contar coa autorización da Dirección Xeral de Industria.

8262