Convocada a provisión, polo sistema de libre designación, de dous postos de traballo vacantes na Secretaría Xeral para o Turismo, por Orde do 13 de setembro de 1996 (DOG nº 189, do 26) esta consellería, no uso das facultades e atribucións conferidas pola Lei 4/1988, da función pública de Galicia, e os artigos 16 e 17 do Decreto 93/1991, do 20 de marzo,
RESOLVE:
Primeiro.-Adxudicarlles destino nos postos de traballo que se indican ós funcionarios que se expresan no anexo da presente orde.
Segundo.-O cesamento no actual destino efectuarase no prazo de tres días, contados a partir da publicación da presente orde.
A toma de posesión deberase facer no prazo de tres días a partir do seguinte ó do cesamento, se se trata da mesma localidade na que presta o seu servicio o funcionario, ou no prazo dun mes se se trata de distinta localidade, conforme o establecido no artigo 14 do Decreto 93/1991, do 20 de marzo.
Terceiro.-A xefatura de persoal do centro onde cause alta o funcionario efectuará, dentro dos prazos sinalados anteriormente, a dilixencia de toma de posesión e seguidamente realizaránse os trámites para a súa alta en nómina.
Da dilixencia efectuada será remitida copia á Dirección Xeral da Función Pública da Consellería de Presidencia e Administración Pública.
Cuarto.-Contra a presente orde, que esgota a vía administrativa, poderase interpoñer recurso contencioso-administrativo, previsto na Lei reguladora da xurisdicción contencioso-administrativa, do 27 de decembro de 1956, perante o Tribunal Superior de Xustiza de Galicia no prazo de dous meses a partir do día seguinte ó da súa publicación, logo de comunicalo a esta consellería, segundo o previsto no artigo 110.3º da Lei 30/1992, de réxime xurídico das administracións públicas e do procedemento administrativo común.
Santiago de Compostela, 31 de outubro de 1996.
Dositeo Rodríguez Rodríguez
Conselleiro da Presidencia e Administracio Publica
ANEXO
-Nº Rexistro persoal: 3243020757A2051.
Grupo: B.
Apelidos e nome: Galiana Galán, José Ignacio.
Posto de traballo: xefe servicio de Formación, Cooperación Institucional e Documentación.
Código R.P.T.: PRP050000115770120.
Nivel: 28.
Localidade: Santiago de Compostela.
Dependencia: Secretaría Xeral para o Turismo.
-Nº Rexistro persoal: 3499535057A2059.
Grupo: D.
Apelidos e nome: López Docampo, Beatriz.
Posto de traballo: secretaria dirección.
Código R.P.T.: PRP050000015770001.
Nivel: 18.
Localidade: Santiago de Compostela.
Dependencia: Secretaría Xeral para o Turismo.
8473